چیت ایللرده گی تورک لر و قرینداش جمعیت لر اداره سی
اوشبو اداره نینگ اینگ مهم فعالیت لری باره سیده سوز یوریته میز
اوچ هفته دن بیری چیت ایللرده گی تورک لر و قرینداش جمعیت لر اداره سی باره سیده بحث قیلیب کیلماقده میز.
بوگون ایسه اوشبو اداره نینگ اینگ مهم فعالیت لریدن بیری بولگن اوقووچی لر گه بورس تامین ایتیب بیریش باره سیده سوز یوریته میز عزیز دوست لر. خوددی شوو اداره 2012 – ییلدن بیری "تورکیه بورسیه لری" پروژه سی دایره سیده اوقووچی لر گه بورس تامین ایتیب بیرماقده.
"تورکیه بورسیه لری" پروژه سی دایره سیده فقط گینه اوقووچی لر گه بورس تامین ایتیب بیریلمیدی. عینی دمده اوشبو پروژه دایره سیده خوددی شوو اوقووچی لر عالی بیلیم یورت لری گه هم جایلشتیریلماقده. اوشبو جهت دن آلیب قره گنده مذکور پروژه نینگ باشقه اولکه لرده گی بورس لر دن فرقلی ایکن لیگی کورینماقده.
2000 – ییلیدن باشلب, تورکیه نینگ تشقی سیاست, فرهنگ, اقتصادی رواجله نیش و اجتماعی سیاست لر ساحه سی بوییچه تشله گن مثبت قدم لری خلق ارا عالی تحصیل ساحه سی گه هم عکس ایتگن وضعیتده.
تورکیه بورسیه لری چیت ایللردن کیله دیگن اوقووچی لرنینگ طیاره تکت لری, عالی بیلیم یورتیده اوقیش مصرف لری, ساغلیق بیمه سی, لیلیه مصرف لری و تورک تیلی نی اورگه نیش کورس لری نینگ فیسی نی هم قمره ماقده. عینی دمده اوشبو پروژه دایره سیده تورکیه ده تحصیل قیلیاتگن پیتلریده اوقووچی لر گه اکادمیک, اجتماعی, فرهنگی و سپورتی فعالیت لر بوییچه امکانیت لر هم تامین ایتیلیب بیریلماقده.
