تاریخده 7- جنوری کونی یوز بیرگن ینگی لیک لر

1610 – ییل جنوری آیی نینگ 7 نچی کونیده, ایتالیالیک منجم گالیلئو گالیله, مشتری نینگ اوچ قمری نی کشف قیلدی.  اوشبو قمر لرنینگ آتی ایسه لو, اوروپا و گانیمیده قویلدی.

1789 – ییل جنوری آیی نینگ 7 نچی کونیده, امریکا قوشمه ایالتلریده ایلک مراتبه دولت رهبرلیگی سیلاو لری بولیب اوتدی.  رای بیروچی لر نماینده لر نی و نماینده لر ایسه اولکه نینگ بیرینچی دولت رهبری جورج واشنگتن نی سیله دی. 

1927 – ییل جنوری آیی نینگ 7 نچی کونیده, ایلک مراتبه خلق ارا مقیاسده تلفن آرقه لی صحبت قیلیندی.  اوشبو کون نینگ اوزیده بیرینچی مرته نیویورک دن لندن گه قونغیراق قیلینیب تلفن آرقه لی صحبت قیلینگن بولدی. 

1946 – ییل جنوری آیی نینگ 7 نچی کونیده, تورکیه ده دموکرات حزبی قوریلدی.  جمهوریت خلق حزبی دن اجره لگن جلال بایار بیلن عدنان مندرس, فواد کوپریلی و رفیق کورالتان, دموکرات حزبی نینگ قوریلیشی اوچون مراجعه قیلدی. 

1953 – ییل جنوری آیی نینگ 7 نچی کونیده, امریکا قوشمه ایالتلری دولت رهبری هری ترومن, اولکه سی نینگ هایدروجن بمبی ایشلب چیقارگن لیگی نی بیلدیردی. 

1946 – ییل جنوری آیی نینگ 7 نچی کونیده, امریکا قوشمه ایالتلریده بیرینچی الکترونیک کمپیوتردن عبارت "اینیاک" دن استفاده قیلینه باشله دی.  حاضرگی کونده گی کمپیوتر لرنینگ تولید قیلینیشی اوچون زمینه یره تیب بیرگن اوشبو کمپیوترلر دن 1955 – ییلی گه قدر فایده له نیلدی.