فلسطین لیکلرنینگ ایرکین لیک کوره شی

میلادی ۲۰۱۶ نچی ییلی مارچ آیی نینگ ۳۰ نچی کونیده مینگلب فلسطین لیک اسرائیلده و اشغال آستیده گی توپراقلرده, توپراق کونی نینگ ۴۰ نچی ییل لیگی نی بیر ناراضی چیلیک نمایشی بیلن کوتیب آلدیلر. اوشبو ناراضی چیلیک نمایشی نینگ هدفی اونلب ییلدن بیری دوام ایتیب کیلیتگن اسرائیل نینگ فلسطین لیک لرنینگ توپراق لری نی آلیب قویش فعالیت لری گه عکس العمل کورسه تیشدن عبارت ایدی.

قیرق ییل آلدین, مارچ آیی نینگ ۳۰ نچی کونیده اسرائیل, فلسطین لیک لر تامانیدن ترتیب لنگن ناراضی چیلیک نمایشلری نی خشونت قیلیب توخته تیب قویرایکن, اوشبو حادثه عاقبتیده ۶ کیشی جان بیرگن ایدی. اوشبو فلسطین لیک لر, اولکه نینگ شمالیده یشیتگن اسرائیل تبعه سی فلسطین لیک لرنینگ ۲ مینگ هکتارلیک توپراق لری نینگ, ینگی یهودی مسکونی منطقه لرنینگ قوریلیشی مقصدی بیلن تارتیب آلینیشی گه قرشی ناراضی چیلیک نمایشلری اوتکزگن ایدی. قیرق ییل آلدینگی اوشبو حرکت اسرائیل نینگ فلسطین لیک لرنینگ توپراق لری نی قول لریدن تارتیب آلیب اولر نی وطن سیز قیلیب قویش سیاست لری گه قرشی عمومی بیر عکس العمل خصوصیتی گه ایگه ایدی. خودی منه شو کون نینگ اوزی نینگ یاد ایتیلیشی اوچون فلسطین لیک لر هر ییل مارچ آیی نینگ ۳۰ نچی کونیده توپراق کونی عنوانی گه ایگه ناراضی چیلیک نمایشلری اوتکزیب کیلماقده.

اسرائیل نینگ, فلسطین لیک لرنینگ توپراق لری نی قوللریدن تارتیب آلیش سیاست لری اسرائیل نینگ مستقل لیگی نی اعلان ایتگن کوندن بیری توختاوسیز روشده دوام ایتیب کیلماقده. اوشبو وضعیت نینگ اوزی ایسه, اسرائیل چیگره لری ایچیده یشیتگن عرب لر بیلن بیر قطارده, اشغال آستیده گی حدود لرده یشیتگن فلسطین لیک لر گه هم منفی تاثیر قالدیرماقده. اسرائیل نینگ خودی منه شو سیاست لری نینگ خلق ارا حقوق جهتی دن اویغون ایمس لیگی کورینیب تورگن بیر حقیقت نی تشکیل ایتماقده.

توپراق لر فلسطین لیک لرنینگ قوللریدن تارتیلیب آلینیب ناقل اسرائیل لیک لر گه بیریلماقده. اوشبو ناقل لرنینگ بویوک بیر قسمی ایسه, چیت ایللرده توغیلیب کتته بولگن انسانلردن عبارت. فلسطین لیک لرنینگ قوللریدن توپراق لری نی تارتیب آلیش سیاست لری, اوزاق مدت لیک فلسطین لیک لر نی وطن سیزلشتریش سیاستی نینگ بیر بولگیدن عبارت البته که.

فلسطین قوتیلیش تشکیلاتی, توپراق کونی مناسبتی بیلن بیر بیانات بیردی. اوشبو بیاناتده, فلسطین لیک لرنینگ قوللریدن توپراق لرینی آلیب یهودی لرگه بیریب فلسطین لیک لرنی وطن سیز قیلیب قویش گه حرکت ایتیتگن لیگی اوچون اسرائیل قاره لندی. خلق ارا جامعه نینگ طلب لری گه قره مسدن, اسرائیل نینگ میلادی ۱۹۶۷ نچی ییلی چیگره لری بیلن منطقه ده ایککی دولت قوریلیشی شکلیده گی بیر یولی نینگ تاپیلیشی بوییچه مذاکره لر گه اوزاق ییللردن بیری اهمیت بیرمیتگن لیگی کورینماقده. اسرائیل بیلن فلسطین آره سیده گی مذاکره لرنینگ نتیجه بیرمیتگن لیگی, توپراق لرینی قولدن بیریب قویگن فلسطین لیک لرنینگ سانی نینگ کونساین آرتیب باریشی گه سبب بولماقده.

اسرائیل, هم اسرائیل نینگ ایچی و همده اشغال آستیده گی منطقه لرده فلسطین لیک لرنینگ توپراق لری نی تارتیب آلیش گه دوام ایتماقده. فلسطین لیک لر دن تشقری, اسرائیل حکومتی نینگ النقف دن هیده ب یوباریش گه حرکت ایتیتگن بدوی لر و اسرائیل لیک تینچ لیک فعال لری هم اوشبو ناراضی چیلک نمایشلریگه اشتراک ایتیب کیلماقده. جاری ییلده گی ناراضی چیلیک لری گه انسان حق لری اوچون حاخاملر گروپی نینگ نماینده سی نینگ اشتراک ایتگن لیگی دقت گه سزاوار بیر موضوع دن عبارت بولدی.

بو ییل بولیب اوتگن توپراق کونیدن معلوم بیر مدت آلدین ینه اسرائیل ایریم فلسطین لیک لرنینگ توپراق لری نی قوللریدن تارتیب آلیب قویدی. بوگلگی توپراق لرنینگ تارتیب آلینیشی ایسه, اوسلو پروسه سی نینگ باشلب کیتگن میلادی ۱۹۹۰ نچی ییلی دن بیری هیچ قچان کورینمه گن بیر شکلده عملی بولماقده.

مارچ آییده اسرائیل, غربی نوار نینگ شمالی بیلن اورته قسم لریده ۶۰۰ جریب لیک توپراق نی تارتیب آلیش اوچون اوز فعالیت لری نی باشله تیب یوباردی. خودی منه شو توپراق لرنینگ یریمی حاضرگی کونده موجود بولگن یهودی ناقل لرنینگ مسکونی منطقه لری نینگ کینگیتریلیشی اوچون استفاده ایتیله دی. قالگن قسمیده ایسه ناقل یهودی لر اوچون ینگی تورر جایلر قوریله دی. بیرلشگن ملتلر تشکیلاتی خوف سیزلیک کینگشی نینگ میلادی ۱۹۶۷ نچی ییلیده گی اوروش لر آرتیدن آلگن ۲۴۲ سانلی قراری گه کوره اوشبو توپراق لر اشغال آستیده گی توپراقلر اوله راق بهالنتریلماقده. عینی دمده اوشبو قرار ده اشغال بیلن توپراق لرنینگ کسب ایتیلیشی نینگ خلق ارا حقوق گه ضد ایکن لیگی قید ایتیلگن.

خودی منه شو وضعیت نینگ اوزی, حاضرگی کونده دوام ایتیتگن بیت المقدس کوره شی نینگ آرتیب کیتیشی گه سبب بولیتگن اینگ مهم فکتور لر دن بیری نی تشکیل ایتماقده. اوشبو سیاست لر نینگ اوزی انیق بیر شکلده اسرائیل نینگ تینچ لیک نینگ تامین ایتیلیشی و ایککی دولت لیک بیر ییچیم یولی گه طرفدار ایمس لیگی نی کورستماقده.

اسرائیل خلق ارا جامعه تامانیدن توختاوسیز روشده قاره له نیب کیلماقده. بیراق, اوشبو تقبیح لرنینگ اسرائیل گه قره ته بیر باسیم عنصریدن عبارت بولمه گن لیگی کورینماقده. عکسینچه, امریکا قوشمه ایالتلری و اوروپا بیرلیگی نینگ حربی و باشقه ساحه لر بوییچه اسرائیل نی حمایه ایتیش فعالیت لری دوام ایتیب کیلماقده. بونده ی بیر وضعیتده فقط گینه قاره لش نینگ اوزی نینگ هر قنده ی بیر تاثیری نینگ بولیشینی کوتیش البته که ممکن ایمس.

حاضرگی کونده فلسطین خلقی نینگ دوچ کیلیب قالگن قیین چیلیک لرنینگ برطرف ایتیلیشی بیلن علاقه لی هیچ قنده ی بیر ییچیم یولی نینگ موجود ایمس لیگی انیق. هیچ قنده ی بیر ییچیم یولی نینگ موجود ایمس لیگی ایسه, توپراق کونی نینگ یاد ایتیلیشی فعالیت لری نی انچه مهم بیر فعالیت گه ایلنتریب قویماقده. اوشبو فعالیت لرنینگ فلسطین لیک لرنینگ ایرکین لیک بوییچه سعی و حرکت لری نینگ آرتیریلیشی توغری سیده فایده لی بولیشی ممکن.