علی یف: قاره باغ آذربایجان اوچون قوتیلیش اوروشی دیر

آذربایجان جمهور باشلیغی الهام علی یف تاغلیک قاره باغ نینگ آذربایجان اوچون قوتیلیش اوروشی ایکن لیگینی معلوم قیلدی.

"آذربایجان هیچ بیر شکلده تاغلیک قاره باغ نینگ اشغالی گه کونمه یدی" دیدی.

الهلم علی یف و ارمنستان باش وزیری نیکول پیشینیان روس خبر آژانسی ریئا نووستی گه بیانات بیردی و عین سواللرگه جواب قیتردی.

آذربایجان جمهور باشلیغی الهام علی یف قیزیل چیزیقلرینی ینه بیر مرته بیان ایتدی. هیچ بیر شکلده راضی بولیش یوق دیگن پیام بیردی.

"بیزنینگ یانداشوویمیز هردایم معقول و صمیمی ایدی، قیزیل چیزیقلریمیزنی انیق بیر شکلده معلوم قیلدیک. آذربایجان نینگ توپراق بوتونلیگی هیچ بیر شرطده اخلال قیلینمه یدی، آذربایجان هیچ بیر شکلده تاغلیک قاره باغ نینگ اشغالی گه کونمه یدی" دیب ایتدی.

علی یف هر اوروش نینگ وحشتدن عبارت ایکن لیگینی بیراق آذربایجان خلقی اوچون بیر قوتیلیش، ارمنستان اوچون ایسه اشغال اوروشی ایکن لیگینی بیلدیردی.

آذربایجان جمهور باشلیغی معاشلی عسکرلرنینگ آذربایجان اردوسی چوکاتیده اورین آلگن لیگی بیلن تیگیشلی ادعالرنی ایسه کیسکین بیر تیل بیلن رد ایتدی.

"عسکری معناده خارجی قوشیلیش گه ضرورتیمیز یوق. اردومیز 100 مینگدن آرتیق عسکردن عبارت. شو وقت بیز ایگه بولگن عسکری کوچلریمیز هر قنده ی وظیفه نی بجریش گه قادر دیر" دیدی.

ارمنستان باش وزیری پیشینیان ایسه جبهه ده قیین وضعیت گه دوچ قالگن لیکلرینی اعتراف ایتدی، تلفاتلری نینگ انچه کوپ ایکن لیگینی بیلدیردی.

کیلیشووگه تیار ایکن لیکلرینی تیلگه آلگن پیشینیان، ارمنستان نینگ مسکونی منطقه لرگه قره ته هجوملریگه بها بیر مه دی.

"مسکوده قبول قیلینگن آدیملرنی عملی قیلیش گه تیارمیز" دیدی.