Erdoganyň "Täze Türkiýä tarap" atly saýlaw meýilnamasy

Türkiýäniň 12-nji prezidentligine dalaşgär Premýer ministr R. T. Erdogan saýlaw meýilnamasyny Stambulda beýan etdi.
“Täze Türkiýä tarap” atly saýlaw meýilnamasy demokratik dolanşyk, asudalyk jemgyýeti we öňbaşsy ýurt bölümlerinden ybarat.
Premýer ministr Erdogan prezidentlige saýlanan halatynda, terroryň ortadan aýrylmagy üçin alnyp barylýan çözgüt etaby bilen ýakyndan gyzyklanjakdygyny we täze konstitutsiýa meselesine uly ähmiýet berjekdigini belledi.
Premýer ministr Erdogan saýlaw meýilnamasyny sungat ussatlarynyň, ýazyjylaryň, jemgyýetçilik guramalarynyň wekilleriniň, hökümetiň agzalarynyň, halk deputatlarynyň, partiýalaryň we köpçülikleýin habar beriş serişdeleriniň wekilleriniň gatnaşmagynda geçirlen maslahatda beýan etdi.
Erdogan meýilnamasynda milli ygtyýara we hukugyň üstünligine ünsi çekdi.
Daşary syýasatda parahatçylyga goldaw berýändigini aýdan Premýer ministr Erdogan sözlerini Täze Türkiýä ünsi çekmek bilen tamamlady.
Erdogan “10-njy awgustda halkymyz diňe prezidentini saýlamaz, täze Türkiýäniň gapylaryny açar. Täze Türkiýe her bir adamyň Türkiýesi bolar. Täze Türkiýe her bir adamyň özüni den hukukly raýat hökmünde duýýan Türkiýesi bolar” diýdi.