қарни йариқ

түрк таамлиридин түркләргә хас «қарни йариқ» һәққидә мәлумат.

қарни йариқ

қарни йариқ

түркийә авази радийоси: түрк таамлири арисида әң көп истемал қилинидиған көктатлардин бири шәк – шүбһисиз һалда педигәндур. ана вәтини һиндистан болған бу көктат түрк тамлири сепигә кейин қетилған болсиму, лекин, төрдин орун алған. шу сәвәбтин болса керәк, түркийәдә түри йүз нәччигә йетидиған «педигән таамлири» бардур. педигән дохопкида йаки тавида вәйаки қазанда пишурулидиған؛ гөшлүк йаки гөшсиз؛ соғуқ йаки иссиқ йейилидиған асаслиқ таам материйали һесаблиниду.

«түрк таамлири» намлиқ пирограммимизда силәрни «педигәнлик таамлар»  һәққидә мол мәлуматлар билән тәминләймиз. бүгүн силәргә «педигәнлик қарнийариқ» ни тонуштуримиз. қарни йерилған, сирти кесиветилгән дегән мәниләрни билдүридиған «қарнийариқ» ни етиш үчүн керәклик болған материйаллар төвәндикичә:

  • 6 данә кичик педигән
  • 200 гирам қийма
  • 2 данә пийаз
  • 3 данә пәмидур
  • 1 чиш самсақ
  • йерим истакан йағ
  • мувапиқ миқдарда туз, қаримуч вә қизилмуч

«педигәнлик қарнийариқ» ни етиш усули мундақ:

  • алди билән педигәнләрни сойуң, андин, йағ сиңип кәтмәслики үчүн йерим саәт тузлуқ суда қойуң, арқидин судин чиқирип, йуйуп қурутқандин кейин йағда дағлаң.
  • дағланған педигәнләр соғуған чағда, алди билән, кичик тоғралған пийазлар билән самсақларни тавида қоруң, андин қиймини қошуп, таки рәңги қойуқлашқанға қәдәр пишуруң, арқидин тоғралған 2 данә пәмидур, туз вә тетитқуларни селип, арилаштуруп, 10 минут аз отта пишуруп, пәмидурларға сүйини йегүзүң.
  • педигәнләрни бир пәтнусқа қойуп, оттурисидин узунисиға пичақ билән кесиң вә бир қейиққа охшаш ечиң, андин қиймилиқ материйални педигәнләрниң ичигә толдуруң, арқидин педигәнләрниң үстигә охшаш чоңлуқта тоғралған бир данә пәмидур билән бир данә мучни орунлаштуруң.
  • айрим бир йәрдә бир қошуқ пәмидур қийамини бир йерим истакан суда езип, педигәнләрниң арисиға селиң.
  • пәтнусни 170 гираслуқ иссиқлиқтики дохупкида 20 – 25 минут әтрапида пишуруң.


مۇناسىۋەتلىك خەۋەرلەر