iran iraqqa qarita wiza resmiyetlirini emeldin qaldurushqa teyyar ikenlikini jakarlidi
iran tashqi ishlar minstiri muhemmed jewad zarif iraq bilen özara wiza resmiyetlirini emeldin qaldurushqa teyyar ikenlikini éytti.
türkiye awazi radiyosi xewiri: iran dölet médiyasigha chiqqan xewerlerge asaslanghanda, jewad zarif badattiki resmiy ziyariti jeryanida, 6 neper iraq ministirimu qatnashqan soda konféransida söz qilip, ikki dölet otturisidiki soda munasiwetliri üsitide toxtalghan.
jewad zarif rayon döletlerning özara we köp tereplimilik qurghan hemkarliqlirining bashqa terepler bilen qurulidighan munasiwetlerdin téximu bek paydiliq bolidighanliqini tekitlep, «iraq bilen bolghan munasiwetlerde héchqandaq chégra qobul qilimaymiz. iraqqa qarita wiza resmiyetlirini emeldin qaldurushqa, chégra rayonlirimizda sanaet sheherlirining qurulishigha we soda hemkarliqimizni téximu yuqiri kötürüshke teyyarmiz» dédi.
jewad zarif: «bir – birimizge ishinish arqiliqla döletlirimiz üchün téximu yéngi kelgüsi yaratalaymiz» déyish bilen birge rayonning bixeter, küchlük halgha kélishi üchün téximu köp hemkarlishishqa ihtiyach barliqini tekitlidi.
u mundaq dédi:
«bixeter we küchlük rayonda döletler qoshnilirining tereqqiyatini özlirining ilgirileshliri qatarida köridu. bixeter we küchlük rayonda, urushning ornini muzakire, qoral riqabitining ornini hemkarliq we yatlargha ishinishning ornini qérindashliq tuyghuliri alidu»
jewad zarif 4 künlük ziyariti dairiside baghdatta yétip bérip, iraq bash ministiri adil abdul mehdi, parlamént bashliqi muhemmed el halbusi we tashqi ishlar ministiri muhemmed el hekim bilen körüshken idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.