jenubiy koréyede yunus emre instituti échildi

jenubiy koréyening paytexti séulda échilghan yunus emre institutining resmiy xizmet bashlighanliqi bildürüldi.

jenubiy koréyede yunus emre instituti échildi

 

 

türkiye awazi radiyosi xewiri: séul yunus emre instituti bilen paytext séuldiki hankuk chet el tilliri uniwérsitéti otturisida imzalanghan kélishim dairiside, uniwérsitét teripidin ayrip bérilgen ishxana resmiy xizmitini bashlidi.

séul yunus emre instituti mesuli özgür jan yildiz, türkiyening séulda turushluq bash elchisi ersin erchinni institutning paaliyetliri heqqide melumat bérish üchün ziyaret qildi.

bash elchi erchin qilghan sözide, yunus emre institutining séulda paaliyet bashlishi bilen türkiyening medeniyet bayliqlirining séolda sistémiliq halda tonitilishqa bashlinidighanliqidin intayin xushal bolghanliqini tilgha aldi.

bash elchi ersin erchin mundaq dédi:

koréye türkiyeni we türkiye xelqini qérindash dep qaraydu. koréyede yunus emre instituti birinchi bolup mundaq ikki meqset üchün xizmet qilidu. birinchisi, türk tili we kültürini layiqigha yarisha tonushturush, türkiyege alaqidar melumat we tonush sewiyesini yuqiri kötürüp, türkiyege téximu köp sayahetchilerni jelp qilish. ikkinchisi, koréyede medeniyet tonitish sahesige singip kiriwalghan fethullahchi térrorluq teshkilatigha chétishliq paaliyetlerni cheklik halgha keltürüp, tedriji halda nölge chüshürüsh.

institut mesuli özgür jan yildizmu yunus emre institutining yanwar éyidin bashlap séulda resmiy paaliyet bashlighanliqini bildürüp, insititutning dunya miqyasida her yili 1200 din artuq paaliyet ötküzüwatqanliqini éytti. 

özgür jan yildiz asasiy meqsetlirining türkiye bilen munasiwiti bolghan we türkiyege qiziqidighan kishiler sanini ashurush ikenlikini uqturdi.

 



مۇناسىۋەتلىك خەۋەرلەر