qétiqliq chorba

türk taamliridin türklerge xas qétiqliq chorba heqqide melumat

qétiqliq chorba

qétiqliq chorba

türkiye awazi radiyosi: qétiq süttin yasilidighan bir xil sütlük ghiza bolup, méwisi bilen, marozhna shekillik türi bilen dunyaning köpligen jaylirida yaqturulghan halda istémal qilinidighan adettin tashqiri derijide lezzetlik yémekliktur. 

undaqta, bu ésil yémeklikning türkler sayisida dunyagha tarqalghanliqini, hetta «qétiq» ibarisining köpligen tillargha türkchidin kirgenlikini bilemsiz?

dunyagha 19 – esirdin étibaren tarqilishqa bashlighan qétiq, türk dastixanlirida uda qanche esirlerdin buyan zadi ke bolsa bolmay kéliwatqan lezzetlik yémekliktur.

türk dastixanlirida qétiq öz aldighila yaki tatliq – turumlar bilen arilashturup yéyilighinidek, taamlarning üstige  aqmay süpitide, sugha arilashturulup ichimlik qilip, yaki chorba étipmu yéyilidu. köpligen qétiqliq taamlar arisidin bügün silerge «qétiqliq chorba» ni tonushturimiz.

türkiyede «yaylaq chorbisi» dep atilidighan, türklerge xas «qétiqliq chorba» étish üchün kéreklik bolghan matériyallar töwendikiche:

  • 6 istakan gösh süyi yaki su
  • 3 qoshuq gürüch
  • 2  qoshuq un
  • 1 dane toxumning sériqi
  • 2 istakan qétiq
  • 2 qoshuq tuz we quruq pinne
  • 2 qoshuq sériq may

teyyarlashqa kelsek؛

aldi bilen qazangha su qoyup qayniting. qaynighan suning ichige tuz salghandin kéyin, yuyulghan gürüchni qoshung, andin gürüchler yumshashqa bashlighangha qeder pishurüshni dawamlashturung. bashqa bir qachida tuxumning sériqi bilen un we qétiqni arilashturung, arqidin bir istakan su qoshung. pishqan gürüchning issiq süyidin birqanche chömüch élip, asta – asta qétiqliq arilashmigha ilawe qilip, qayniting. qaynashqa bashlighandin kéyin yene 10 minut pishurung. kichik yapilaq qazanda sériq mayni issitqandin kéyin, üstige pinnini séling, 30 minut pishurghandin kéyin, chorbining üstige séling. xalisingiz qizilmuch yaki qarimuch qoshsingizmu bolidu.



مۇناسىۋەتلىك خەۋەرلەر