chet el metbuatlirida bu hepte: 14.12.2018

xitayning shinxua agéntliqi, türkiye istatistéka idarisining 10 dékabirda élan qilghan sanliq melumatlirigha asasen, türkiye iqtisadining bu yilning üchinchi charikide, aldinqi yilning oxshash mezgilige sélishturghanda %1.6 yuqiri örligenlikini xewer qildi.

ispaniyening «Europa Press» xewer agéntliqi, jumhur reis rejep tayyip erdoghanning 10 – dékabir düshenbe küni xelqara kishilik hoquq bayannamisi qobul qilinghanliqining 70 – yili munasiwiti bilen sözligen nutuqida, démokratiye, kishilik hoquq we erkinlik nuqtisidin türkiyege héch kishining ders ötelmeydighanliqini tekitligenlikini xewer qildi.

gérmaniyening «Deutsche Welle» médiya orgini tor béti, türkiyening muhit bulghunishigha qarshi küresh dairiside, pilastik xalta ishlitishni azaytish üchün xaltilarning pulgha sétishni yolgha qoyghanliqini xewer qildi.

engliyening «REUTERS» xewer agéntliqi, tashqi ishlar ministiri mewlüt chawushoghluning seudi erbistanliq zhurnalist jemal qashiqchi jinayitige dair tekshürüshler üstide toxtilip, türkiyening birleshken döletler teshkilati bilen muzakirileshkenlikini éytqanliqini xewer qildi. 

ezerbeyjanning «Trend» xewer agéntliqi, türkiye jumhur reisliki teripidin «Trend» xewer agéntliqigha bérilgen bayanatta, erméniyening türkiye bilen bolghan munasiwetlirini normallashturush üchün ishghal qiliwélinghan ezerbeyjan zéminlirini bikarlap chiqip kétishi kéreklikini tekitligenlikini xewer qildi.

iranning «Mehr» xewer agéntliqi, türkiye jumhur reis yademchisi fuat oktayning amérikidin türkiyening térrorluqqa qarshi küreshlirige hörmet bildürüshni telep qilip, buning ikki dölet otturisidiki ittipaqdashliqning weyran bolmasliqi üchün zörül ikenlikini bildürgenlikini xewer qildi.

rusiyening «Ria Novosti» xewer agéntliqining xewiride, «rusiyelik météorologiye mutexessisliri türkiyelik kespdashlirigha waqitni intayin toghra ölchesh iqtidarigha ige atom saiti yasishigha yardem qilidu. bu layiheni rusiye pen – téxnika, qizika instétuti we rusiye météorologiye instétuti bilen radiyo inzhénérliqi idarisi teripidin türkyining döletlik météroolegiye instétuti birlikte ishqa ashurudighanliqini xewer qildi.

erebeyjanning «AzerTac» xewer agéntliqi, ezerbeyjan pirézidénti ilham aliyéwning türkiye yéza igiliki we orman ishliri ministiri bekir pakdemir we hemrahliqidiki heyetning ziyaritini qobul qilghanliqini, uchrishishta, yéza igiliki saheside xizmet qiliwatqan ezerbeyjanliq we türkiyelik karixanichilarning 11 dékabirda bakuda ortaq soda sanaeot munbiri yighi ötküzidighanliqini hemde buning özara hemkarliqni téximu kéngeytish nuqtisidin intayin muhimliqini xewer qildi. 

italiyening «ANSA» xewer agéntliqi, jumhur reis rejep tayyip erdoghanning bir qanche kün ichide süriyediki firat deryasining sherq teripide yéngi bir herbiy heriket bashlimaqchi bolghanliqini xewer qildi.