chet el metbuatlirida bu hepte: 30.11.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

chet el metbuatlirida bu hepte: 30.11.2018

 

iranning «IRNA» xewer agéntliqi, türkiye qatar istiratégiye aliy komitétining 4nöwetlik yighinining istanbulda chaqirilghanliqini, yighingha jumhur reis rejep tayyip erdoghan we qatar emiri sheyix tamim bin hamid altanining qatnashqanliqini hemde ikki terepning özara herbiy hemkarliqni dawamlashturush üchün kélishkenlikini xewer qildi.

amérikining «Bloomber» xewer qanili, jumhur reis rejep tayyip erdoghanning süriyediki bezi rayonlarni ishghal qilghan we amérikining qollishi astidiki y p g/ p k k térrorluq teshkilati mesiliside, türkiyening kéreklik qedemlerni tashlaydighanliqini éytqanliqini xewer qildi.

rusiyening «Ria Novosti» xewer agéntliqi, jumhur reis rejep tayyip erdoghanning térrorluq teshkilati daésh üstide toxtilip, eslide ularning bezi küchler teripidin dunyani qorqutush üchün ishqa ashurulghan layihe ikenlikini éytqanliqini xewer qildi. 

amérikining «AP» xewer agéntliqi, türkiyening qara déngizni bir tinchliq déngizigha aylamdurush kéreklikini jikiligenlikini hemde rusiye we ukraina meslisidiki chushinishmesliklernimu dyalog yoli arqiliq hel qilish chaqiriqida bolghanliqini xewer qildi.

engliyening «Reuters» xewer agéntliqi, türkiye tashqi ishlar ministiri mewlüt jawushoghluning: «seudi erebistan text warisi muhemed bin selman jumhur reis rejep tayyip erdoghan bilen körüshishni teleb qildi we hazir körüshishke tosalghu bolidighan héchqandaq seweb yoq» dégenlikini xewer qildi.

rusiye awazi radiyosi, jumhur reis rejep tayyip erdoghanning firansiyediki namayishlargha we saqchilarning zorawanliqigha yawropaning süküt qiliwtqanliqini tenqid qilip, «hazir parizhda térrorluq yüz bermekte. shundaq iken xelqara médiyadin birer sada chiqtimu? yaq, dunya süküt ichide parizhni körmeywatidu. néme üchün körmeydu? ularning étibarigha dagh chüshishini xalimaydu. siler buni xalanglar yaki xalimanglar, dunya buni teqib qilmaqta» dégenlikini xewer qildi.

rusiyening «Ria Novosti» xewer agéntliqi, jumhur reis rejep tayyip erdoghanning bashqa döletler bilen bolghan sodida, yerlik pul birlikining téximu keng dairide ishlitilishini qollaydighanliqini bildürgenlikini xewer qildi.

firansiyening «AFP» xewer agéntliqi, jumhur reis rejep tayyip erdoghanning seyshenbe küni élan qilghan bayanatida, qibristiki her xil perwasizlarche pezitsyelerge qarshi alahide agahlandurushta bolghanliqini we: «bezi yawropa döletlirining qollishini qolgha keltürgen géritsiye bilen qibris rum terep hakimiyitining perwasizlarche heriketliri, birinchi bolup özlirige tehdit we xewpning menbesige aylandi» dégenlikini xewer qildi.    

iranning «IRNA» xewer agéntliqi, türkiye jumhur reislik bayanatchisi ibrahim kalinning türkiyede jemal qashiqji jinayitige alaqidar tekshürüshlerning dawamlishiwatqanliqini biraq seudi erebistanning bu jinayetni aydinglashturush mesuliyiti barliqini éytqanliqini xewer qildi.

firansiyening «AFP» xewer agéntliqi, amérikining yéngi elchixana binasi jaylashqan enqerediki kochigha ataqli musulman kishilik hoquq paaliyetchisi malkolm iksning ismi qoyulghanliqini xewer qildi.

amérika awazi radiyosi, türkiyening «F-35» tipliq urush ayropilanlirining ishlepchiqirilishida muhim shérik ikenlikini we buning amérika dölet mudapie ministirliqining doklatidimu alahide orun alghanliqini xewer qildi.



مۇناسىۋەتلىك خەۋەرلەر