«дирилиш әртуғрул» бүгүн түркийә вақти саәт 20:00 дә башлиниду

түркийә радийо – телевзийә идариси т р т ниң әң йуқири қизиқиш қозғиған көп қисимлиқ телевзийә тийатири «дирилиш әртуғрул» ниң  5 - пәсли йеңиләнгән артислар билән бүгүн башлиниду.

«дирилиш әртуғрул» бүгүн түркийә вақти саәт 20:00 дә башлиниду

түркийә авази радийоси хәвири: сәһнә көриниши, зинәтлири, артислири вә әнинивий кейим кечәклири билән һәмминиң диққитини тартип келиватқан көп қисимлиқ телевизийә тийатириниң 5пәсил 1бөлими бүгүн түркийә вақти саәт 20:00 дә т р т 1 қанили икранлирида мәстанилири билән учришиду.

тәкдән кено филим ситидийоси тәрипидин ишләнгән шундақла синарийәси билән рижиссорлуқини мәһмәт боздағ өз үстигә алған «дирилиш әртуғрул» ниң алдинқи пәсиллиридики барлиқ сәһнә тәртипи вә зиннәтлири пүтүнләй өзгәртилди. кейим кечәкләргиму йеңилиқ қошулди.

«дирилиш әртуғрул» ниң йеңи пәсил муқәддимиси елан қилинған болуп, йаз бойичә 5пәсли үчүн җапалиқ тиришиш нәтиҗисидә, тәхминән 250 кишилик гуруппа тәрипидин йеңи бир суғут шәһири бина қилинди.

«дирилиш әртуғрул» түркийә вә дунйа миқйасида җәмий 3 милйард көрүрмәнгә иришиштин башқа йәнә, 25 тилға тәрҗимә қилинди. филимниң 5 - пәслидә артисларниң тәхминән %60 и өзгәртилди.

мәтин гунай рижиссорлуқини қиливатқан болуп, әнгин алтан дүзйатан, һулйа дарҗан, илкәр ақсум, һандә сорал, чәнгиз җошқун, нуриттин сөнмәз, айберк пәкҗан, кайра шәнуҗақ, ариф дирән, бурҗин абдуллаһ, орчун ийнәмли, әмрә үчтәпә, кәрәм бакишоғлу, әли бухара мәтә вә дидәм балчин қатарлиқ артислар асаслиқ ролларни алиду.

«дирилиш әртуғрул» җәмий 85 дөләт телевийәсидә көрүрмәнләрниң зор қизиқишини қозғиған болуп, бу қетимқи пәсилниң йеңиланған артислар билән техиму қизиқарлиқ һалға келиши мөлчәрләнмәктә.

 



مۇناسىۋەتلىك خەۋەرلەر