бүгүн «<29 – өктәбир> җумһурийәт байрими»

« җумһурийәт байрими» мубарәк болсун!

бүгүн «<29 – өктәбир> җумһурийәт байрими»

түркийә авази радийоси хәвири: бүгүн түркийә җумһурийити қурулғанлиқини түркийәдә, шималий қибрис түрк җумһурийитидә вә дунйаниң һәрқайси җайлиридики түркийә вакаләтханилирида түрлүк мурасимлар вә паалийәтләр арқилиқ тәнтәнилик һалда тәбриклаватимиз.

1923 – йли 29 – өктәбир күни топ етишлири билән тәң вә чәксиз  шад – хурамлиқ илкидә түркийә җумһурийити қурулди.

османли империйәсиниң биринчи дунйа урушида мәғлуб болуши вә дөләт земинлириниң ғалиб дөләтләр тәрипидин талан – тараҗ қилиниши, дөләтни қаттиқ үмидсизләндүрди, хәлқни чәксиз қайғуға салди.

 «кувайи миллийә/миллий әтрәтләр» сүпитидә тәшкилләнгән вә мустапа камал ататүрк рәһбәрликидә бирләшкән «миллий күчләр «азадлиқ уруши» ни башлиди.

«түркләр көп санлиқни тәшкил қилидиған районлар чоқум түрк районлири пети қелиши керәк» пикригә асасән башланған миллий  күрәш нәтиҗисидә, 1922 – йили 30- авғуст күни «<баш қоманданлиқ> мәйдан уруши» да шанлиқ зәпәр қолға кәлтүрүлди, шуниң билән, ишғалчи күчләр һазирқи түркийә терротерийәсидин қоғлап чиқирилди.

алди билән, «тинчлиқ сөһәтлири» арқилиқ ишғал астидики истанбулниң азад қилиниши, андин, «лозан келишими» ниң һасил қилиниши билән, османли империйәси тарих сәһнисидин өчүрүлүп кәтти, буниң орнини түркийә җумһурийити игилиди.

1923 – йили 29 – өктәбиргичә давамлашқан музакириләрдин кейин, пүткүл җаһанға түркийә җумһурийити қурулғанлиқи елан қилинди вә әнқәрәниң пайтәхткә өзгәртилгәнлики җакарланди.

җумһурийитимиз қурулғанлиқини тәнтәнилик һалда тәбрикләватқан бу шанлиқ күндә,  рәһбиримиз мустапа камал ататүркни өз ичигә алған  миллий күришимизниң  қәһриманлирини чәксиз иптихарлиқ туйғуси вә чоңқур һөрмәт билән мәңгү йад етимиз.



مۇناسىۋەتلىك خەۋەرلەر