ғәйбниң хәзинилири аллаһниң дәргаһидидур

(дәрәхтин) төкүлгән йапрақтин аллаһ билмәйдиған бирәрсиму йоқ.

ғәйбниң хәзинилири аллаһниң дәргаһидидур

ғәйбниң хәзинилири аллаһниң дәргаһидидур

түркийә авази радийоси: әнам сүриси, 59 – 67 – айәтләр. ғәйбниң хәзинилири аллаһниң дәргаһидидур, уни пәқәтла аллаһ билиду, қуруқлуқтики, деңиздики нәрсиләрниң һәммисини аллаһ билиду, (дәрәхтин) төкүлгән йапрақтин аллаһ билмәйдиған бирәрсиму йоқ, мәйли қараңғу йәр астидики бирәр данә уруқ болсун, мәйли һөл йаки қуруқ нәрсиләр болсун, һәммиси (аллаһқа мәлум болуп) ләвһулмәһпузда йезиқлиқтур[59]. аллаһ силәрни кечиси ухлитиду, күндүздики қилған ишлириңларни билип туриду, андин бәлгиләнгән муддәткичә йашишиңлар үчүн, күндүздә силәрни ойғитиду, андин аллаһниң дәргаһиға қайтисиләр, андин қилған әмәллириңларни аллаһ силәргә ейтип бериду[60]. аллаһ бәндилириниң үстидә қаһирдур (йәни аллаһ бәндилирини тизгинләп турғучидур), у силәргә сақлиғучи пәриштиләрни (йәни қилған ـ әткәнни хатириләп туридиған пәриштиләрни) әвәтиду, бириңларға өлүм кәлсә, уни бизниң пәриштилиримиз қәбзи роһ қилиду. улар (аллаһниң әмрини орунлашта) бипәрвалиқ қилмайду[61]. андин улар (йәни бәндиләр) һәқ һөкүм қилғучи, игиси аллаһниң дәргаһиға қайтурулиду (қийамәт күни) һөкүм қилиш йалғуз аллаһқила хастур, аллаһ әң тез һесаб алғучидур[62]. (и муһәммәд! бу куффарларға) ейтқинки, «қуруқлуқниң вә деңизниң қараңғулуқлири (йәни балайи ـ апәтлири) дин силәрни ким қутқузиду? (бу қараңғулуқларни көргән чеғиңларда) әгәр аллаһ бизни буниңдин қутқузса чоқум шүкүр қилғучилардин болимиз, дәп аллаһқа ашкара вә йошурун илтиҗа қилисиләр»[63]. ейтқинки, «(йалғуз) аллаһ силәрни улардин вә барлиқ ғәмдин қутқузиду, андин силәр (буни) тонуғунуңлардин кейин, иман ейтмай аллаһқа шерик кәлтүрисиләр»[64]. (и муһәммәд! уларға) ейтқинки, «аллаһ силәрниң үстүңлардин (нуһ вә лут әләйһиссаламларниң қәвмигә, әсһабулпилгә әвәтилгән азабқа охшаш) йаки айиғиңлар астидин (пирәвн вә қарунларға әвәтилгән азабқа охшаш) азаб әвәтишкә, йаки силәрни пирқиләр қилип, арилаштуруп (йәни урушқа селип) бириңларға бириңларниң азабини тетитишқа қадирдур» уларни чүшәнсун дәп, айәтлиримизни түрлүк шәкилләрдә қандақ байан қилидиғанлиқимизға қариғин[65]. қуран һәқ турса, уни қәвмиң инкар қилди. «мән силәргә һамий әмәс» дегин[66]. (аллаһ тәрипидин) алдинала берилгән һәр бир хәвәрниң мәйданға келидиған вақти бар, узаққа қалмай билисиләр[67].



مۇناسىۋەتلىك خەۋەرلەر