yawropa ittipaqi ixwan ezalirigha ölüm jazasi bérilgenlikige naraziliq bildürdi

yawropa ittipaqi misir sot mehkimisining musulman qérindashlar teshkilati ezasi 75 kishige bergen naheq ölüm jazasigha naraziliq bildürdi.

yawropa ittipaqi ixwan ezalirigha ölüm jazasi bérilgenlikige naraziliq bildürdi

 

türkiye awazi radiyosi xewiri: yawropa ittipaqi misirda musulman qérindashlar teshkilati ezasi 75 kishige bérilgen naheq ölüm jazasi heqqide toxtilip, gumandarlarning adil sot qilinish hoquqining depsende qilinghanliqigha dair küchlük guman barliqini bildürdi.

yawropa komitéti bayanatchisi maja kojayanjij élan qilghan yazma bayanatida, her qandaq ehwalda ölüm jazasigha qarshi ikenlikini eskertip, «yene kélip, bu déloning ehwali, usuligha uyghun bolmighanliqi, bolupmu gumandarlarning adil sot qilinsh hoquqining depsende qilinghanliqigha dair küchlük gumanlarning barliqi ras» déyish arqiliq misirni agahlandurdi.

misirda sot mehkimisi 8sintebir küni rabie meydanini boshitish weqeliri délosigha chétishliq sot qilghan we rabietul edwiye maydanida 2013yili yüz bergen qanliq hujumda, 17 yashliq qizi esma shéhit qilinghan musulman qérindashlar teshkilati rehberliridin muhemmed elbatajinimu öz ichige alghan 75 kishige ölüm jazasi qarari maqullighan we mehkimining qarari üstidin yuqiri sotqa erz qilish yoliningmu ochuq ikenlikini élan qilghan idi.

misirda démokratik yol bilen xelq teripidin saylanghan tunji pirézidént muhemmed mursining 2013yili 3iyuldiki herbiy özgirish arqiliq aghduruwitlishige qarshi rabie meydanida namayishlar bashlanghan we 2013yili 14 - awghustqiche dawamlashqan idi.

misir amanliqni saqlash qisimlirining 2013yili 14 - awghust küni etigende namayish meydanigha qanliq bir shekilde mudaxile qilishi sewebidin resmiy sanliq melumatlargha asaslanghanda, 8 saqchini qoshqanda jemiy 632 kishi öltürülgen idi.

weqege chétishliq déloda musulman qérindashlar teshkilati rehberliri qatarliq misirda közge közge körüngen shexslerdin 300 mehkum we 739 neper gumandar sot qilinmaqta. 



مۇناسىۋەتلىك خەۋەرلەر