süriye asasiy qanun komitétigha munasiwetlik jenwe yighini axirlashti

b d t ning süriye alahide wekili stéfan démistura bilen kapalet bergüchi döletler bolghan türkiye, rusiye we iran mesulliri arisida ötküzülgen süriye asasiy qanun komitétigha munasiwetlik resmiy yighin axirlashti.

süriye asasiy qanun komitétigha munasiwetlik jenwe yighini axirlashti

türkiye awazi radiyosi xewiri: shiwéytsariyening paytexti jenwediki ishxanisida töt saettin artuq dawamlashqan yighindin kéyin, démistura we yighingha qatnashqan döletlerning wekilliri yighin toghrisida héchqandaq bayanat élan qilmidi.

démisturaning 18-séntebirde b d t xewpsizlik kéngishige xitab qilip, jenwe uchrishishliri toghrisida melumat élan qilidighanliqi bildürüldi.

jenwede ikki kün boyiche dawamlashqan yighinlarda, türkiyege wakaliten muawin tashqi ishlar ministiri sedat önal bashchiliqidiki heyet, rusiyege wakaliten rusiyening süriye alahide wekili aléksandir lowréntiyéw bilen rusiye muawin tashqi ishlar ministiri sérgéy wérshinin bashchiliqidiki heyet, irangha wakaliten iran muawin tashqi ishlar ministiri hüseyin jabiri ensari bashchiliqidiki heyet qatnashti.

b d t süriye alahide wekili démistura jüme (14-séntebir) «kichik guruppa» dep atighan misir, firansiye, gérmaniye, iyordaniye, seudi erebistan, engliye we amérika wekilliri bilenmu körüshüp, kapalet bergüchi döletler bilen ötküzgen yighin toghrisida muzakire ötküzidu.

iyul éyida rusiyede ktküzülgen süriye témiliq kapalet bergüchi döletler yighinining xitabnamiside, asasiy qanun komitétining qurulushi muhim orunni igelligen idi.

süriyede yette yildin artuq dawam qilghan ichki urushni axirlashturush üchün b d t künlüki astida ötküzülgen uchrishishlar, ötkünchi basquch, asasiy qanun, saylam we térrorluqqa qarshi küreshtin ibaret töt asasiy témini öz ichige alidu.



مۇناسىۋەتلىك خەۋەرلەر