«америка буниңдин кейин хәлқара җинайи ишлар сот мәһкимиси билән һәмкарлашмайду»

хәлқара җинайи ишлар сот мәһкимиси исраилийәниң пәләстиндики җинайәтлиригә даир дело турғузған вә җидди тәкшүрүш башлиған болғачқа америкиниң хәлқара җинайи ишлар сот мәһкимисидин айрилип кетидиғанлиқи билдүрүлди.

«америка буниңдин кейин хәлқара җинайи ишлар сот мәһкимиси билән һәмкарлашмайду»

 

 

түркийә авази радийоси хәвири: америка қошма иштатлириниң ақ сарайдики дөләт хәвипсизлик мәслиһәтчиси җон болтон хәлқара җинайи ишлар сот мәһкимиси билән һәмкарлашмайдиғанлиқини билдүрүп, «хәлқара җинайи ишлар сот мәһкимиси бизгә нисбәтән бурунла өлүктур» деди.

америка қошма иштатлириниң ақ сарайдики дөләт хәвипсизлик мәслиһәтчиси җон болтон түнүгүн мәркизи васингитонда турушлуқ «федератсийәни йақилиғучи хәлқ» намлиқ аммивий тәшкилатта сөз қилди.

болтон: «11синтәбирниң хатирә күни һарписи үчүн, йәни бүгүн үчүн һәмдә америка пирезиденти трамп үчүн шуни демәкчимәнки, бәдили немә болишидин қәтий нәзәр, хәлқимизни вә иттипақдашлиримизни бу адаләтсиз, қанунсиз сот мәһкимисиниң қарарлириға қарши қоғдаймиз» дегән сөзләрни ишләтти.

җон болтон: «америка буниңдин кейин хәлқара җинайи ишлар сот мәһкимиси билән һәмкарлашмайду. уни қоллап қуввәтлимәйду. униңға әзаму болмайду. уни өз ичидә өлүшкә ташлап қойимиз. мәйли немила болмисун, алған қарарлири вә урунишлири билән хәлқара җинайи ишлар сот мәһкимиси бизгә нисбәтән өлүктур» деди.

мәркизи голландийәниң лаһәй шәһиридә турушлуқ хәлқара җинайи ишлар сот мәһкимиси баш мупәттиши фато бенсуда май ейида елан қилған байанатида, пәләстин һөкүмитиниң исраилийәниң қәтлиам җинайәтлири һәққидә хәлқара җинайи ишлар сот мәһкимисигә сонған һөҗҗәтлиригә даир мәлуматларни сот башлиқиға йәткүзгәнликини ейтқан иди.

фато бенсуда 2015йили пәләстин вәзийитигә даир дело турғузуш үчүн алдин тәкшүрүшни башлайдиғанлиқини билдүрүп, «ишханам елип барған алдин тәкшүрүшләрдә муһим мусапиләрни бесип болди вә йәнә охшаш шәкилдә давамлаштуриду» дегән иди.

пәләстин ийул ейида хәлқара җинайи ишлар сот мәһкимисигә әрз сунуп, исраилийә вә йәһудий көчмәнлириниң өткүзүватқан җинайәтлиригә қарши җиддий бир тәкшүрүш башлаш керәклики һәққидә чақириқта болған иди.

пәләстин ташқи ишлар министирлиқиму хәлқара җинайи ишлар сот мәһкимисидин ишғалийәтчи исраилийә вә йәһудий көчмәнлириниң өткүзгән җинайәтлирини җиддий тәкшүрүш лазимлиқини тәләп қилған иди.

фато бенсуда хәлқара җинайи ишлар сот мәһкимисиниң қарарини елан қилиштин бир қанчә саәт илгири америка ташқи ишлар министирлиқи вашингитондики пәләстин азадлиқ тәшкилати ишханисини тақивтиш қарари алғанлиқлирини елан қилған иди.



مۇناسىۋەتلىك خەۋەرلەر