трампниң шималий корейә билән уруш чиқиришқа сәвәб болидиған учури ашкариланди

америка пирезиденти доналд трамп йазған тивиттер учуриниң шималий корейә билән уруш чиқириш хәвпи барлиқи сәвәбидин йуйуп ташланғанлиқи ашкариланди.

трампниң шималий корейә билән уруш чиқиришқа сәвәб болидиған учури ашкариланди

 

түркийә авази радийоси хәвири: америкида «Watergate» шәрмәндичиликини ашкарилап сабиқ пирезидент ричард никсонниң истепа беришини кәлтүрүп чиқарған атақлиқ тәтқиқатчи журналист боб рудвард бу қетим ғәлитә бир әһвални ашкарилиди.

 журналист боб вудвардниң бу қетим йазған китаби күнтәртипики қиззиқ темиға айланди.

вудвард «CBS» телевизийәси билән өткүзгән сөһбитидә ақ сарайда болуватқан ишларни аңлатти.

боб вудвардниң билдүрүшичә, пирезидент трамп җәнубий корейәдә вәзипә өтәватқан америка әскәрлириниң аилилирини америкиға қайтуруп келиш һәққидә бир учур тәййарлиған, бирақ арқа қаналлар арқилиқ йолланған учурға шималий корейәдин күтүлмигән дәриҗидә қаттиқ инкас қайтурған.

шималий корейә һөкүмити 28 миң кишидин тәшкил тапқан әскәр аилилириниң йерим аралдин чекинишини «уруш тәһдити» дәп қарайдиғанлиқини билдүрди.

бу қаттиқ инкастин кейин доналд трамп тәрипидин тәййарланған учур иҗтимаий таратқуда һәмбәһирләшмәстин йуйуп ташланди. 

вудвард йазған вә вашингитонда қиззиқ нуқтиға айланған китабтики бәзи йеңи тәпсилатларму оттуриға чиқишқа башлиди.

китабта америкиниң шималий корейәдин қойуп берилиш еһтимали болған башқурулидиған бомбини бир қанчә секунт ичидә байқийалайдиған истихбарат техникисиға игә икәнликигә даир байанатини шималий корейәниң писәнтигиму алмиғанлиқи қәйт қилинди.

вудвардниң китаби пирезидент трампниң пүтүн дөләткә нисбәтән һалакәткә сәвәб болидиған тутруқсиз һәрикәтлирини контрол қилиш вә һалакәтни тосуп қилиш үчүн униң йеқин әтрапидикиләрниң қилған мәхпий ғәлитә ишлирини өзигә мәзмун қилиду. 

америка пирезиденти билән шималий корейә рәһбири ким җоңун 2017йили 19синтәбирдә бир - биригә тәһдит селиш арқилиқ йерикчиликләрни болушиға күчәйткән болуп, 2018йили 12ийунда сингапорда икки рәһбәрниң учришиши вә йадро қоралсизлаштуруш мәслисидә келишим һасил қилиши билән мунасивәтләр нормаллишишқа башлиған иди. 

 



مۇناسىۋەتلىك خەۋەرلەر