rusiye tarixidiki eng chong herbiy maniwér bashlandi

rusiye armiyesi rusiye tarixidiki eng chong maniwér hésablinidighan «Vostok-2018» maniwérini bashlidi. maniwérgha 300 minggha yéqin esker qatnishidu.

rusiye tarixidiki eng chong herbiy maniwér bashlandi

 

türkiye awazi radiyosi xewiri: rusiye dölet mudapie ministirliqidin élan qilinghan yazma bayanatta, rusiyening sherqiy qurughluqida we déngiz tewelikide 17sintebirgiche dawamlishidighan «Vostok-2018» maniwérigha rusiye dölet mudapie ministiri sérgéy shoygoning qomandanliq qilidighanliqi bildürüldi.

bayanatta, «maniwérning asasliq meqsiti, herbiy idare organlarning pilanlashtiki teyyarliq sewiyesini belgilesh, uzun musapilerde qisimlarning qaytidin guruplishishini ishqa ashurush, qurughluq qisimliri bilen déngiz armiyesi otturisidiki alaqilerni retke sélish, qomandanlar bilen qisimlarning teyyarliq we herbiy heriketler jeryanidiki qabiliyetlirini tereqqiy qildurushtur» déyildi.

maniwérning ikki basquchluq halda ötküzülidighanliqi, deslepki basquchta belgilengen wezipilerning orundilishi üchün her qaysi qisimlarni rusiyening sherqige orunlashturidighanliqi, shimaliy we sherqiy rayonlardiki déngiz tewelikide bolsa, déngiz armiyesining téximu kéngeytilidighanliqi bildürüldi.

ikkinchi basquchta qomandanlarning mudapie we hujum heriketliride oxshash bolmighan qisilar otturisida körüngen bashqurush mesililiri üstide xizmet ishlinidighanliqi, paaliyetlerning omumen qilip éytqanda, sherqiy rayondiki meshiq meydanlirida ötküzülidighanliqi uqturuldi. 

maniwérda sherqiy we merkiziy herbiy rayondiki qisimlar bilen shimaldiki déngiz armiyesi we hawa armiyesiningmu orun alidighanliqi eskertildi. tisugol meshq meydanida ötküzülidighan maniwérgha xitay armiyesining qatnishidighanliqi qeyt qilindi.

bayanatta, herbiy maniwérning 1996yili 26 - aprélda rusiye, qazaqistan, qirghizistan, tajikistan we xitay birlikte chégra rayonlardiki herbiy meydanlarda ötküzgen shundaqla bixeterlikning kücheytilishi üchün tüzülgen kélishimlerge toluq mas ikenliki bildürüldi.

«Vostok-2018» maniwérigha 300 minggha yéqin esker, 1000 din artuq ayropilan, tik uchar, uchquchisiz hawa appiratliri, 36 minggha yéqin tanka, bronowék we bashqa herbiy téxnikiliq üsküniler bilen birge 80 ge yéqin paraxotmu qatnishidu.

«Vostok-2018» maniwéri sowit ittipaqi mezgilide 1981yilida ötküzülgen «Zapad-81» maniwéridin kéyin, rusiye tarixidiki eng köp esker qatnashqan herbiy maniwéri hésablinidu.


خەتكۈچ: herbiy maniwér , rusiye

مۇناسىۋەتلىك خەۋەرلەر