pakistanning türmidiki sabiq bash ministiri nawaz sherifning ayali wapat boldi

pakistanning türmidiki sabiq bash ministiri nawaz sherifning rak késili sewebidin dawaliniwatqan ayali bégim gülsüm nawaz wapat boldi.

pakistanning türmidiki sabiq bash ministiri nawaz sherifning ayali wapat boldi

 

türkiye awazi radiyosi xewiri: nawaz sherifning qérindishi we pakistan musulmanlar birleshmisi partiyesining rehbiri shahbaz sherif engliyening paytexti londondiki harléy sitrét doxturxanisida bir yildin buyan rak késili sewebidin dawaliniwatqan yenggisi bégim gülüsm nawazning wapat bolghanliqini élan qildi.

gülüsm nawaz yürek we öpkisidiki mesililer sewebidin tünügün kechte jiddiy dawalash bölümige yötkelgen idi.

gülüsm nawazning ehwali iyun éyida éghirliship hushini yoqatqan bolup, londa turuwatqan yoldishi nawaz sherif we qizi meryem sherif pakistan sot mehkimisi teripidin ulargha bérilgen qamaq jazasini tartish üchün pakistangha qaytip kétip, bir kündin kéyinla hushigha kelgen idi.

nawaz sherif bilen 46 yilliq ailisi we 4 perzenti bolghan gülsüm nawaz, perwiz musherrefning herbiy - siyasiy özgirish qozghishi bilen aghdurup tashlighan yoldishining qoyup bérilishi üchün seperwerelik bashlighan idi.

gülsüm nawazning depin murasimi pakistanda jüme küni ötküzülidighan boldi.

pakistan médiyasi nawaz sherif we qizi meryemning jinaze murasimigha qatnishishi üchün 5 saetlik ruxset bérilgenlikini élan qildi.

 


خەتكۈچ: wapat , nawaz sherif , pakistan

مۇناسىۋەتلىك خەۋەرلەر