доналд трамп өзи һәққидә йезилған китабқа наразилиқ билдүрди

америка пирезиденти доналд трамп өзи һәққидә журналист боб вудвард тәрипидин йезилған китабқа наразилиқ билдүрди.

доналд трамп өзи һәққидә йезилған китабқа наразилиқ билдүрди

түркийә авази радийоси хәвири: америка пирезиденти доналд трамп иҗтимаий таратқу һесаби твиттерда һәмбәһирләшкән учурида, бүгүн базарға селиниши күтүлүватқан вә асаслиқ көп қисми мәтбуатларда хәвәр қилинған «қорқунч؛ ақсарайда трамп» намлиқ китаб үстидә тохталди.

доналд трамп: «вудвардниң китаби толиму тутруқсиз. маңа қилинған һуҗумларниң пәқәтла бирси, һуҗум йамғури» деди.

доналд трамп твиттердики учурида, «исми намәлум, мәхпий кишиләрни мәнбә көрситиду. китабда тилға елинған нурғунлиған кишиләр өзлиригә тәвә икәнлики илгири сүрүлгән сөзләрниң һәммисиниң йалғанлиқини билдүрүшмәктә. демократчилар йеңилгәнликлирини сиңдүрәлмәйватқан болса керәк. һәқиқий китабни мана мән йазимән» дегән ибариләрни ишләтти.

китабниң йазғучиси боб вудвардму америкиниң «NBC News» қанилиниң пирограммисиға телефон билән қетилип, китабда дейилгән сөзләрниң һәммсигә мәсул икәнликини ейтти.

вудвард китабта тилға елинған америка дөләт мудапиә министири җим маттис билән трампниң алаһидә мудирийәт ишханиси башлиқи җон келлийниң трампқа һақарәт қилғанлиқиға даир сөзләргә адаққичә игә икәнликини тәкитлиди.

вудвард маттис билән келийниң бу сөзләрни рәт қиливатқанлиқи үстидиму тохтилип: «һәқиқәтни сөзлимәйватиду. булар сийасий муамилә қилиш арқилиқ хизмәтлирини қоғдап қилишниң койида. шуңа рәт қилишлирини чүшинишкә болиду» деди. 

вудвард китабида, җим маттисниң трампқа қаритип: «корейә йерим арилида болған ишларни чүшиниш сәвийәси башланғуч мәктәп сәвийәсидә» дегәнликини, келлийниңму трамп һәққидә: «әхмәқ» дегәнликини вә башқуруш усулини болса, «тәлвә шәһәр» дәп тәриплигәнликини илгири сүргән иди.



مۇناسىۋەتلىك خەۋەرلەر