iran pirézidéntigha ölüm bilen tehdit salghan kishiler nazaretke élindi

iranning qum shehiride bir pirogrammida kötürüp chiqqan lozinka arqiliq iran pirézidénti hesen ruhanigha ölüm bilen tehdit salghanliqi ilgiri sürülgen 5 shie diniy rehber nazaretke élindi.

iran pirézidéntigha ölüm bilen tehdit salghan kishiler nazaretke élindi

 

türkiye awazi radiyosi xewiri: iran pirézidéntliqi teripidin diniy zatlar alahide sot mehkimisige erzname yollanghandin kéyin, aldinqi ay qum shehiridiki fewziye medrisisi oqughuchiliri qatnashqan bir pirogrammida, rohanigha qarshi lozinka kötürüp chiqqanliqi ilgiri sürülgen 5 neper diniy rehber nazaretke élindi.

mezkur lozinkida sabiq pirézidént hashimi refsanjanining ölüm sewebige oxshap kitidighan shekilde, «i sozi muzakirilerdin bashqa nerse bolmighan kishi! köl séni kütiwatidu» dégen sözlerning yézilghanliqi we bu arqiliq hesen ruhanigha ölüm bilen tehdit sélinghanliqi ilgiri sürüldi. 

sabiq pirézidént hashimi refsanjani 2017yili dékabirda, kölde jénidin ayrilghan idi.

sabiq pirézidént hashimi refsanjanining ölüm sewebi deslepte «yürek sanjiqi» dep élan qilinghan bolsimu, refsanjining qizi ölüm sewebining tebiiy emeslikini we bu jehette éniqsizliqning dawamlishiwatqanliqini élan qilghan idi.

sabiq pirézidént hashimi refsanjani dindarlargha perwa qilmastin gherb bilen bolghan munasiwetlerni yaxshilashqa qattiq tirishchanliq bolup, uning ölüm sewebige munasiwetlik gumanlar hazirmu dawamlishiwatqan bir peytte, lozinkigha yézilghan sözler, «hesen ruhanigha bezi esliyetchiler teripidin sélinghan ölüm tehditi» dep qobul qilindi.    


خەتكۈچ: tehdit , hesen ruhani , iran

مۇناسىۋەتلىك خەۋەرلەر