xitay amérikigha tehdit saldi

xitay hökümiti amérikigha oxshash derijide jawab qayturidighanliqi bilen tehdit saldi.

xitay amérikigha tehdit saldi

türkiye awazi radiyosi xewiri: amérika pirézidénti donald tramp xitaydin import qilinghan mehsulatlargha téximu köp qoshumche baj qoyushni oylishiwatqanliqini élan qilghandin kéyin, xitay hökümiti eger bajni ashurush dawamlishidighan bolsa, oxshash derijide jawab qayturidighanliqi bilen tehdit saldi.

xitay tashqi ishlar ministirliqi bayanatchisi géng shuen élan qilghan bayanatida, tramp eger yéngi qoshumche baj qoyushni dawmlashturghan teqdirde, xitayningmu qanunluq heq hoquqini qoghdash üchün choqum qarshi tedbirlerni yolgha qoyidighanliqini éytti.

amérika bilen xitay otturisidiki soda urushining bashlinishi, dep qariliwatqan ehwal, eslide tramp hökümitining 23martta import qilinghan polat we alyumin mehsulatlirigha ret boyiche %25 we andin %10 qoshumche tamozhna béji qoyushi bilen bashlanghan idi.

xitay hökümiti amérikining polat we alyumin mehsulatlirigha qoyghan qoshumche bajgha jawab qayturup, aprél éyining bashlirida amérika markiliri bésilghan 128 xil mehsulatqa %15 tin %25 kiche qoshumche baj qoyghan idi. 

amérika pirézidénti donald tramp 22- martta xitayning amérika shirketlirining téxnikilirini we pikir-mülkiyet hoquqini oghrilash üchün qanunsiz paaliyetlerde bolghanliqi sewebidin, 50 milyard dollar qimmitidiki 1000 din artuq xitay mehsulatlirigha 2 basquchluq halda %25 qoshumche tamozhna béchi qoyidighanliqni élan qildi.

béyjing dairiliri peqetla xitayni nishan qilghan bu hujumgha naraziliq bildürdi.

xitay soda ministirliqi, bu qarargha jawaben amérikidin import qilinghan 50 milyard dollarliq 659 türlük mehsulatqa %25 qoshumche tamozhna béji qoyidighanliqini bildürdi.

amérika pirézidént donald tramp 18iyunda, eger xitay buninggha jawaben oxshash derijide jawab qayturmaqchi bolidiken, 200 milyard dollarliq xitay mehsulatigha qoshumche baj qoyush üchün buyruq chüshürdi.

amérika 6iyulda xitaydin émport qilinghan 34 milyard dollarliq 800 türlük mehsulatqa %25 qoshumche tamozhna béji qoyghanliqini resmiy élan qildi.

xitay hökümiti donald trampning tehditlirige qarimastin, amérikidin import qilinghan mehsutlargha qoshumche bax qoyush qararining derhal ijra qilinishqa bashlanghanliqini élan qilghan idi.

amérika hökümiti 50 milyard dollarliq xitay mehsulatlirigha tamozhna béji qoyush qararining 16 milyard dollarliq ikkinchi qismigha qarita 23 - awghusttin étibaren resmiy ijra qilishning bashlinidighanliqini jakarlighan idi.

xitay höükümitimu, 23awghustta amérikining 16 milyard dollarliq xitay mallirigha %25 lik qoshumche tamozhna béji qoyush qararigha jawaben, amérikining 16 milyard dollarliq mehsulatlirigha %25 qoshumche baj qoyghan idi.  


خەتكۈچ: amérika , xitay

مۇناسىۋەتلىك خەۋەرلەر