хитай америкиға тәһдит салди

хитай һөкүмити америкиға охшаш дәриҗидә җаваб қайтуридиғанлиқи билән тәһдит салди.

хитай америкиға тәһдит салди

түркийә авази радийоси хәвири: америка пирезиденти доналд трамп хитайдин импорт қилинған мәһсулатларға техиму көп қошумчә баҗ қойушни ойлишиватқанлиқини елан қилғандин кейин, хитай һөкүмити әгәр баҗни ашуруш давамлишидиған болса, охшаш дәриҗидә җаваб қайтуридиғанлиқи билән тәһдит салди.

хитай ташқи ишлар министирлиқи байанатчиси гең шуән елан қилған байанатида, трамп әгәр йеңи қошумчә баҗ қойушни давмлаштурған тәқдирдә, хитайниңму қанунлуқ һәқ һоқуқини қоғдаш үчүн чоқум қарши тәдбирләрни йолға қойидиғанлиқини ейтти.

америка билән хитай оттурисидики сода урушиниң башлиниши, дәп қариливатқан әһвал, әслидә трамп һөкүмитиниң 23мартта импорт қилинған полат вә алйумин мәһсулатлириға рәт бойичә %25 вә андин %10 қошумчә таможна беҗи қойуши билән башланған иди.

хитай һөкүмити америкиниң полат вә алйумин мәһсулатлириға қойған қошумчә баҗға җаваб қайтуруп, апрел ейиниң башлирида америка маркилири бесилған 128 хил мәһсулатқа %15 тин %25 кичә қошумчә баҗ қойған иди. 

америка пирезиденти доналд трамп 22- мартта хитайниң америка ширкәтлириниң техникилирини вә пикир-мүлкийәт һоқуқини оғрилаш үчүн қанунсиз паалийәтләрдә болғанлиқи сәвәбидин, 50 милйард доллар қиммитидики 1000 дин артуқ хитай мәһсулатлириға 2 басқучлуқ һалда %25 қошумчә таможна бечи қойидиғанлиқни елан қилди.

бейҗиң даирилири пәқәтла хитайни нишан қилған бу һуҗумға наразилиқ билдүрди.

хитай сода министирлиқи, бу қарарға җавабән америкидин импорт қилинған 50 милйард долларлиқ 659 түрлүк мәһсулатқа %25 қошумчә таможна беҗи қойидиғанлиқини билдүрди.

америка пирезидент доналд трамп 18ийунда, әгәр хитай буниңға җавабән охшаш дәриҗидә җаваб қайтурмақчи болидикән, 200 милйард долларлиқ хитай мәһсулатиға қошумчә баҗ қойуш үчүн буйруқ чүшүрди.

америка 6ийулда хитайдин емпорт қилинған 34 милйард долларлиқ 800 түрлүк мәһсулатқа %25 қошумчә таможна беҗи қойғанлиқини рәсмий елан қилди.

хитай һөкүмити доналд трампниң тәһдитлиригә қаримастин, америкидин импорт қилинған мәһсутларға қошумчә бах қойуш қарариниң дәрһал иҗра қилинишқа башланғанлиқини елан қилған иди.

америка һөкүмити 50 милйард долларлиқ хитай мәһсулатлириға таможна беҗи қойуш қарариниң 16 милйард долларлиқ иккинчи қисмиға қарита 23 - авғусттин етибарән рәсмий иҗра қилишниң башлинидиғанлиқини җакарлиған иди.

хитай һөүкүмитиму, 23авғустта америкиниң 16 милйард долларлиқ хитай маллириға %25 лик қошумчә таможна беҗи қойуш қарариға җавабән, америкиниң 16 милйард долларлиқ мәһсулатлириға %25 қошумчә баҗ қойған иди.  


خەتكۈچ: америка , хитай

مۇناسىۋەتلىك خەۋەرلەر