трамп нийу йорк вақти гезитидә «исимсиз» елан қилинған мақалиға наразилиқ билдүрди

түркийә авази радийоси хәвири: «мән трамп һөкүмити ичидики сүркилишниң бир парчисимән» мавзулуқ мақалини йазған кишиниң, трамп һөкүмити ичидә йуқири дәриҗилик бир әмәлдар икәнлики илгири сүрүлди.

мақалидә, «трампниң толуқ чүшинәлмигини, өз һөкүмити астидики нурғунлиған йуқири дәриҗилик мәсулларниң бәзи күнтәртип маддиларни вә трампниң начар һәвәслирини бузуп ташлаш үчүн әстайидил хизмәт қиливатқанлиқидур. буни мән билимән, чүнки мәнму шуларниң бирсимән» дейилгәндин сирт, бу тиркишишниң әслидә һөкүмәтниң техиму нәтиҗилик болушини арзу қилидиғанлиқи қәйт қилинди. 

мақалидә пирезидентниң дөләткә зийан салидиған һәрикәтлириниң барлиқи тәкитлинип, «шуңа трамп һөкүмити ичидики бәзи кишиләр трампниң вәзипә өтәш муддити тошқанға қәдәр униң хата һәрикәтлирини тосушқа вә демократик органлиримизниму қоғдашқа қәсәм ичти» дегән сөзләргә орун аҗритилди.

мақалидә йәнә, доналд трампниң пикир, базар вә инсаний әркинликләргә йетәрлик дәриҗидә һөрмәт қилмайватқанлиқи, шуниңдәк мәтбуатларниму «хәлқ дүшмини» дәп елан қилғанлиқи тәнқид қилинди.

мақалиға доналд трампму кечикмәстин җаваб қайтурди.

доналд трамп ақсарайда шәрифләр билән елип барған учришишида елан қилған байанатида, мақалигә қарита: «қорқунчақ бир мақалә» дәп баһа бәрди.