17.08.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

17.08.2018

америкиниң «AP» хәвәр агентлиқи, түркийә ташқи ишлар министири мәвлүт чавшоғлуниң: «америка түркийәгә емебарго вә бесимларни ишлитип һеч нәрсигә еришәлмәйду» дегәнликини хәвәр қилди.

русийәниң «Tass» хәвәр агентлиқи, русийә пирезидентлиқ сарийиниң байанатчиси имитри песковниң: «түркийә җумһур рәиси рәҗәп таййип әрдоған русийә пирезиденти владимир путин билән сәлла илгири өткүзгән сөһбитидә, түркийә иқтисадидики мәсилиләргә даир русийәлик мәнсәпдишидин һечқандақ йардәм тәләп қилмиди» дегәнликини хәвәр қилди.

әнглийәниң «Reuters» хәвәр агентлиқи, түркийә хәзинә ишлири вә малийә министири бәрат албайракниң америкиниң түркийәгә қошумчә таможна беҗи қойғанлиқини тәнқид қилип, германийә министирини махтиғанлиқини һәмдә германийә министириниң демократийә тәрәптә турғанлиқиниң түркийәниң германийә вә йавропа иттипақи билән болған риштисигә қарита ишәнчни күчәйткәнликини ейтқанлиқини хәвәр қилди.

фирансийә «AFP» агентлиқи, җумһур рәислик сарийиниң байанатчиси ибраһим калинниң твиттерда елан қилған байанатида, «түркийә иқтисадиниң асаслири интайин мустәһкәм» дегәнликини һәмдә «һеч киши қутратқулуқ характерлик хәвәрләргә ишәнмисун» дәп тәкитлигәнликини хәвәр қилди. 

русийәниң «Ria Novosti» хәвәр агентлиқи, җумһур рәис рәҗәп таййип әрдоғанниң түркийәгә қаритилған иқтисадий қоршавға «15ийулдики һәрбий сийасий өзгириш қозғаш урунушиниң давами» дәп баһа бәргәнликини хәвәр қилди. 

германийәниң «DW» медийа оргини, қатарниң түркийәгә 15 милйард доллар бивастә мәбләғ салидиғанлиқини хәвәр қилди.

америка авази радийоси, җумһур рәис рәҗәп таййип әрдоғанниң түркийәгә қарши иғвагәрчилик характеридики қәдәмләрни ташлаватқан американиң електиронлуқ мәһсулатлирини алмаслиққа хәлққә чақириқ қилғанлиқини хәвәр қилди.

хитайниң хәлқара радийоси, түркийәниң америкадин емпорт қилинған бәзи мәһсулатларға %100 лик қошумчә таможна беҗи қойуш қарари алғанлиқини хәвәр қилди.

әнглийәниң «BBC» медийа оргини, әнглийәдә түркийә лирасиниң сетилишиниң зор дәриҗидә йуқири көтүрүлгәнликини, әнглийәлик сайаһәтчиләрниң түркийә лирасиға болған қизиқиши сәвәбидин түркийә лираси сетишлирида йетиштүрәлмәсликтәк қийинчлиқ туғулуватқанлиқини хәвәр қилди.

американиң «CNN» медийа оргини, хәзинә ишлири вә малийә министири бәрат албайракниң германийә малийә министири олаф сичолз билән көрүшкәнликини вә икки министирниң 21сентәбирдә берлиндә қайта бир йәргә җәм болушқа пүтүшкәнликини хәвәр қилди.

иранниң «IRNA» хәвәр агентлиқи, қатар, кувәйт вә ирақниң америка ембарголириға қарши түркийәни қоллап қуввәтлигәнликини хәвәр қилди.

русийәниң «Sputnik» хәвәр агентлиқи, җумһур рәис рәҗәп таййип әрдоғанниң фирансийә пирезиденти макрон билән телефонда көрүшкәнликини, сөһбәттә икки дөләт оттурисидики иқтисадий вә сода мунасивәтлириниң музакирә қилинғанлиқини хәвәр қилди.



مۇناسىۋەتلىك خەۋەرلەر