iraq türkmenliri herqandaq ehwalda türkiyening yénida bolidighanliqini jakarlidi

iraq türkmen fironti erbil parlamént ezasi aydin maruf, türkiye iqtisadidiki muqimliqning ottura sherqningmu iqtisadiy muqimliqi hésablinidighanliqini tilgha élip, iraq türkmenlirining türkiye iqtisadini toluq qollap – quwwetleydighanliqini éytti.

1032218
iraq türkmenliri herqandaq ehwalda türkiyening yénida bolidighanliqini jakarlidi

 

türkiye awazi radiyosi xewiri: iraq türkmen fironti erbil parlamént ezasi aydin maruf amérika teripidin türkiyege qiliniwatqan bésimlarning tesirining intayin cheklik bolidighanliqini tekitlep, «türkiyege qarshi bu bésimlarning köp tesiri bolmaydu. bular qisghine waqitliq ishlar. türkiye buningdinmu ötüp kétidu. ötmüshtimu osmanli dölitidin kéyin türkiyege qarshi bir türküm bésimlar ishlitilgen idi. biraq türkiye ghelibilik bir shekilde utup chiqti. türkiye bu qétimqi bésimlarnimu yéngeleydu» dédi.

aydin maruf türkiyening siyasiy we iqtisadiy jehettin tereqqiy qilishining bezi döletlerni biaram qilghanliqini ima qilghan halda: «amérika émbargolirining nishani siyasiy bésim shekillendürüshtin ibarettur. bu émbargo emes, belki siyasiy bir bésimdur, lékin amérika hergiz utalmaydu» dédi.

iraq türkmenlirining her daim türkiyening yénida urun alidighanliqini bildürüp, «yéqinqi künlerdin buyan amérika teripidin türkiyege qarshi yolgha qoyulghan émbargolar we bésimlar barliq tereplerning könglini ghesh qildi. türkiye jumhuriyiti ottura sherqte eng muhim bir dölet. her daim ottura sherqtiki zulumgha uchrighuchi insanlarning we xelqlerning yénida bolup keldi» dédi.

aydin maruf sözining axirida yene, türkiyening rayondiki rolining ehmiyiti üstidimu toxtilip, «türkiye peqetla bizler üchün emes, belki pütün ottura sherqtiki zulumgha uchrighan barliq étnik guruppilar üchün intayin muhim bir dölettur. türkiye iqtisadining muqimliqi ottura sherq iqtisadining muqimliqi hésablinidu. türkiyening siyasiy muqimliqimu pütün ottura sherqning siyasiy muqimliqi, dégenlik bolidu. türkiye ottura sherqning pewquladde chong küchidur. türkiye katta bir dölettur» dédi. 


خەتكۈچ: #türkiye , #iraq , #amérika

مۇناسىۋەتلىك خەۋەرلەر