rusiye tashqi ishlar ministiri türkiyege kélidu
rusiye tashqi ishlar ministiri sérgéy lawrow türkiye tashqi ishlar ministiri mewlüt chawushoghlu otturisida ötküzülidighan uchrishishta, rayon xaraktérlik we xelqaraliq mesiillerning muzakire qilinidighanliqi bildürüldi.
türkiye awazi radiyosi xewiri: rusiye tashqi ishlar ministiri sérgéy lawrow 10 – nöwetlik bash elchiler konféransigha qatnishish üchün 13 – we 14 – awghust künliri enqerede ziyarette bolidu.
tashqi ishlar ministiliqidin élan qilinghan yazma bayanatta, lawrowning 12 – awghusttin 17 awghustqiche ötküzülidighan 10 – nöwetlik bash elchiler konféransi munasiwiti bilen türkiyede ziyarette bolidighanliqi bildürüldi.
lawrowning konféransta bash elchilerge nutuq sözleydighanliqi we tashqi ishlar ministiri mewlüt chawushoghlu bilen özara uchrishish élip baridighanliqi qeyt qilindi.
bayanatta, ikki ministir otturisidiki uchrishishta türkiye – rusiye munasiwetliridin bashqa yene, süriye mesilisi qatarliq rayon xaraktérlik we xelqaraliq mesiillerningmu muzakire qilinishi pilanlanghanliqi uqturuldi.
