10.08.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

10.08.2018

түркийә авази радийоси: германийәниң «Der Tagesspiegel» гезити, түркийәниң тәтил райони анталйаға сайаһәтчиләрниң бу пәсилдә келиш нисбитиниң рекорт йаратқанлиқини хәвәр қилди.

русийәниң сипутник хәвәр агентлиқи, түркийәлик инженеррларниң ениқлиқ дәриҗиси әң йуқири екран ишләпчиқарғанлиқини хәвәр қилди.

русийәниң «Ria Novosti» хәвәр агентлиқи, русийә аләм бошлуқи билимлири академийәси әзаси андрей ионниң «түркийә аләм бошлуқи тәтқиқат хизмәтлиридә русийә вә хитай билән һәмкарлашса пайдилиқ болиду» дегәнликини хәвәр қилди.

мәркизий ишханиси лондонда турушлуқ «шәрқул авсәт» ахбарат оргини, җумһур рәис рәҗәп таййип әрдоғанниң венезуела дөләт рәиси николас мадуро билән телефонда көрүшүп, дөләт мудапиә әтритиниң қурулуш мурасими җәрйанида суйқәйсткә учриғанлиқи мунасивити билән мадуродин һал сориғанлиқини хәвәр қилди.

русийәниң «TASS» хәвәр агентлиқи, енергийә вә тәбиий байлиқлар министири фатиһ дөнмәзниң америка тәрипидин иранға қарши қайтидин ембарго йүзгүзүши үстидә тохтилип, түркийәниң иран билән болған иқтисадий мунасивәтлиридин ваз кечиш нийити йоқлуқини ейтқанлиқини хәвәр қилди.

германийәниң «DPA» хәвәр агентлиқи, җумһур рәис рәҗәп таййип әрдоғанниң 28 вә 29 сентәбирдә германийәдә рәсмий зийарәттә болидиғанлиқини хәвәр қилди.

әзәрбәйҗанниң «Trend» хәвәр агентлиқи, америкиниң иранға йүргүзгән ембарголириға қаримастин, түркийәниң ирандин газ сетивелишни давамлаштуридиғанлиқини хәвәр қилди.

әнглийәниң ройтерс хәвәр агентлиқи, сүрийәдики түркийә әскәрлириниң район хәлқи тәрипидин әсәд қиисмлири вә террорлуқ тәшкилатлириға қарши бихәтәрлик суғуртиси сүпитидә көрүлидиғанлиқини хәвәр қилди.

иранниң фарис хәвәр агентлиқи, өзбекистан пирезиденти шәвкәт мирзайев билән түркийә җумһур рәиси рәҗәп таййип әрдоғанниң телефонда көрүшкәнликини, сөһбәттә өзара һәмкарлиқ вә кәлгүси үчришишлири һәққидә пикир алмаштурғанлиқини хәвәр қилди. хәвәрдә, икки рәһбәрниң истиратегийәлик һәмкарлиқни техиму тәрәққий қилдуруш үчүн қәтий ирадигә игә икәнликлири тәкитләнди. 

русийәниң «Tass» хәвәр агентлиқи, русийә ташқи ишлар министирлиқи байанатчиси марийа захарованиң байанат елан қилип, русийә ташқи ишлар министири сергей лавровниң баш әлчиләр вә түркийәниң даими вәкиллири йиғиниға қатнишиш үчүн 13 вә 14 - авғустта әнқәрәдә зийарәттә болидиғанлиқини ейтқанлиқини хәвәр қилди.   



مۇناسىۋەتلىك خەۋەرلەر