әгәр уларни дозах үстидә тохтитилған чағда көрсәң (дәһшәтлик бир һалини көрәттиң)

улар: «кашки дунйаға қайтурулсақ идуқ, пәрвәрдигаримизниң айәтлирини инкар қилмайттуқ вә мөминләрдин болаттуқ» дәйду

әгәр уларни дозах үстидә тохтитилған чағда көрсәң (дәһшәтлик бир һалини көрәттиң)

әгәр уларни дозах үстидә тохтитилған чағда көрсәң (дәһшәтлик бир һалини көрәттиң)

түркийә авази радийоси: әнам сүриси, 27 – 34 – айәтләр. әгәр уларни дозах үстидә тохтитилған чағда көрсәң (дәһшәтлик бир һалини көрәттиң). улар: «кашки дунйаға қайтурулсақ идуқ, пәрвәрдигаримизниң айәтлирини инкар қилмайттуқ вә мөминләрдин болаттуқ» дәйду[27]. ундақ әмәс, уларниң илгири йошурған ишлири (қәбиһ қилмишлири түпәйлидин шундақ арзу қилишиду) уларға ашкара болди, улар дунйаға қайтурулған тәқдирдиму мәни қилинған ишларни әлвәттә йәнә қилатти. шүбһисизки, улар (иман ейтаттуқ дегән вәдисидә) йалғанчилардур[28]. улар: «һайатлиқ пәқәт мушу дунйадики һайатимиздур, өлгәндин кейин тирилдүрүлмәймиз» дәйду[29]. әгәр уларни пәрвәрдигариниң алдида тохтитилған чағда көрсәң (ғайәт чоң ишни көрүсән). аллаһ уларға: «бу (өлгәндин кейин тирилиш) раст әмәсмикән?» дәйду. улар: «пәрвәрдигаримиз билән қәсәмки, раст икән» дәйду. аллаһ: «капир болғанлиқиңлар үчүн азабни тетиңлар» дәйду[30]. аллаһқа мулақат болушни (йәни қайта тирилишни) инкар қилғанлар һәқиқәтән зийан тартти. қийамәт туйуқсиз кәлгән чағда, улар: «у дунйадики бипәрвалиқимиздин надамәт» дәйду. гунаһлирини үстилиригә йүкливалиду, уларниң (гунаһларни) йүклигини немидегән йаман![31]. дунйа тирикчилики пәқәт ойун, ғәпләттинла ибарәт, тәқвадарлиқ қилидиғанлар үчүн әлвәттә у дунйа йахшидур, (буни) чүшәнмәмсиләр?[32]. уларниң сөзи сени қайғуға салидиғанлиқини биз обдан билимиз, улар сени (ичидә) инкар қилмайду (лекин улар тәрсалиқтин инкар қилиду), (һәқиқәттә) залимлар аллаһниң айәтлирини инкар қилиду[33]. сәндин бурун өткән пәйғәмбәрләрму инкар қилинди, улар инкар қилинғанлиқиға вә өзлиригә йәткән әзийәтләргә сәвр қилди, ахир улар бизниң йардимимизгә еришти, аллаһниң сөзлирини һәр қандақ адәм өзгәртәлмәйду, шүбһисизки, пәйғәмбәрләрниң қиссилири саңа назил болди[34].



مۇناسىۋەتلىك خەۋەرلەر