һайванларниң һәммиси силәргә охшаш үммәтләрдур (йәни аллаһ тәрипидин йаритилған мәхлуқлардур)

мәйли йәр йүзидә маңидиған һайван болсун, мәйли икки қанити билән учидиған учар қуш болсун, һәммиси силәргә охшаш үммәтләрдур (йәни аллаһ тәрипидин йаритилған мәхлуқлардур). ләвһулмәһпузда һеч нәрсини чүшүрүп қоймидуқ (йәни һәммини толуқ пүттуқ).

һайванларниң һәммиси силәргә охшаш үммәтләрдур (йәни аллаһ тәрипидин йаритилған мәхлуқлардур)

һайванларниң һәммиси силәргә охшаш үммәтләрдур (йәни аллаһ тәрипидин йаритилған мәхлуқлардур)

түркийә авази радийоси: әнам сүриси, 35 – 43 – айәтләр. (и муһәммәд!) уларниң (исламдин) йүз өрүгәнлики саңа еғир кәлгән болса, ундақта йәр астиға киришкә йол йаки асманға чиқишқа шота тепип бир мөҗизә кәлтүрәлисәң (кәлтүргин), әгәр аллаһ халиса, әлвәттә уларни һидайәткә бирләштүрәтти, сән һәргиз (аллаһниң һекмитини) чүшәнмәйдиғанлардин болмиғин[35]. (сөзүңгә) һәқиқий қулақ салидиғанлар (сениң дәвитиңни) қобул қилиду (сөзүңгә қулақ салмиғанлар өлүкләрниң орнида), өлүкләрни аллаһ тирилдүриду, андин улар аллаһниң дәргаһиға қайтурулиду[36]. улар (йәни мәккә куффарлири): «немишқа муһәммәдкә пәрвәрдигаридин бир мөҗизә чүшүрүлмиди?» дәйду, ейтқинки, «аллаһ мөҗизә чүшүрүшкә һәқиқәтән қадир». лекин уларниң толиси (мөҗизә назил болуп иман ейтмиса балаға дучар болидиғанлиқини) билмәйду[37]. мәйли йәр йүзидә маңидиған һайван болсун, мәйли икки қанити билән учидиған учар қуш болсун, һәммиси силәргә охшаш үммәтләрдур (йәни аллаһ тәрипидин йаритилған мәхлуқлардур). ләвһулмәһпузда һеч нәрсини чүшүрүп қоймидуқ (йәни һәммини толуқ пүттуқ), кейин улар пәрвәрдигариниң дәргаһиға йиғилиду (аллаһ уларниң арисида һөкүм чиқириду)[38]. бизниң айәтлиримизни инкар қилғанлар гаслардур (йәни қобул қилиш йүзисидин аңлимайду), гачилардур (йәни һәқни сөзлимәйду). улар (куфриниң) қараңғулуқи ичидә қалғанлардур, аллаһ халиған адәмни аздуриду, халиған адәмни тоғра йолға салиду[39]. (и муһәммәд!) ейтқинки, «әгәр силәр растчил болсаңлар ейтип беқиңлар, әгәр силәргә аллаһниң азаби йаки қийамәт кәлсә, аллаһтин ғәйрийгә илтиҗа қиламсиләр?[40]. ундақ әмәс, силәр пәқәт аллаһқа илтиҗа қилисиләр, әгәр аллаһ халиса, силәр аллаһниң көтүрүветишини илтиҗа қилған балани аллаһ көтүрүветиду, силәр аллаһниң шериклири қиливалған бутларни унтуйсиләр (йәни бутларға илтиҗа қилмайсиләр)»[41]. шәк ـ шүбһисизки, сәндин илгирики үммәтләргә (нурғун пәйғәмбәрләрни) әвәттуқ (улар пәйғәмбәрләрни инкар қилди). уларни (аллаһқа тәвбә қилип) йелинсун дәп намратлиқ вә ағриқ ـ силақ билән җазалидуқ[42]. уларға бизниң азабимиз чүшкән чағда немишқа йелинмиди? лекин уларниң диллири қәсавәтләшти (иманға йумшимиди), шәйтан уларға қилмишлирини чирайлиқ көрсәтти[43].



مۇناسىۋەتلىك خەۋەرلەر