éwérist téghi (jomolangma choqisi)da  2 chet ellik tenterbiyechi hayatidin ayrildi

dunyaning eng égiz téghi dep qobul qilinghan éwérist téghi (jomolangma choqusi) gha yamishish jeryanida 2 neper tenterbiyechi hayatidin ayrildi.

éwérist téghi (jomolangma choqisi)da  2 chet ellik tenterbiyechi hayatidin ayrildi

türkiye awazi radiyosi xewiri: népal éwérist téghi (jomolangma choqisi) merkizi lagirida xizmet qilidighan giyanéndra shirésta tagh tenterbiyechilirige yol bashlighuchining doklatini menbe körsitip élan qilghan bayanatida, éwérist téghi (jomolangma choqisi)gha yamishish jeryanida makédoniyelik taghqa yamishish mahiri gjiori pétkowning tünügün we yaponiyelik taghqa yamishish mahiri nobukazu kurikining bügün hayatidin ayrilghanliqini bildürdi.

giyanéndra shirésta 35 yashliq yaponiyelik mahir kurikining jesitining chédir qurghan rayondin tépilghanliqini, 63 yashliq méakidoniyelik pétkorning jesitining bolsa, téximu égiz jaydin tépilghanliqini uqturdi. 

yaponiyelik taghqa yamishish mahiri nobukazu kuriki buningdin ilgirimu éwérist téghi (jomolangma choqisi)gha yamishishqa köp qétim tirishqan emma utuqqa érishelmigen we 2012yilidiki yamishishta muzlap qélish sewebidin barmaqlirining köpinchisini yoqutup qoyghan idi.

yaponiyelik taghqa yamishish mahiri nobukazu kuriki ijtimaiy taratqu hésabidin hembehirleshken uchurida, hötel we soghuqning tesiridin qiéyniliwatqanliqini bildürgen bolup, uning ölümining sewebi téxiche éniqlanmidi.

makédoniyelik taghqa yamishish mahiri gjiori pétkowning bolsa, nepes yétishmeslik sewebidin hayatidin ayrilghanliqi mölcherlenmekte.

yer yüzidin 8 ming 848 métir égizliktiki éwérist téghi (jomolangma choqisi) gha yamishish jeryanida, 1920yildin buyan jemiy 200 din artuq kishi hayatidin ayrildi.



مۇناسىۋەتلىك خەۋەرلەر