jumhur reis erdoghan islam dunyasining ramizan éyini tebriklidi

jumhur reis rejep tayyip erdoghan pütkül islam dunyasining mubarek ramizan éyini tebriklidi.

jumhur reis erdoghan islam dunyasining ramizan éyini tebriklidi

türkiye awazi radiyosi xewiri: jumhur reis erdoghan tunji sohurluqqa repiqisi emine erdoghan bilen birlikte engliyediki ziyariti hem uchrishishlirini axirlashturghandin kéyin türkiyege qaytishida ayropilanda turdi hemde ayropilanda élan qilghan widéoda, pütkül islam dunyasining ramizan éyini tebriklep mundaq dédi: «eziz xelqimiz hem pütkül islam dunyasining béshi rehmet, otturisi meghpiret we axiri jehennem azabidin xalas tépish bolghan mubarek ramizan éyini qizghin tebrikleymen. birlik we barawerlikning simwoli bolghan, hem sohur hem iptarlardiki mol beriketlirini sanap tügetkili bolmaydighan mubarek ramizan éyini qandaq shad – xuramliq ichide kütüwalghan bolsaq, roza héytnimu shundaq shad – xuramliq ichide kütüwélishimizgha muyesser qilishini janabiy allahtin tileymen. shuni alahide  tekitlep ötimenki, ramizan éyini israiliyening quddusta yürgüzgen qetliamliri bilen kütüwalduq, buning üchün könglimiz intayin yérim, allah taaladin barliq shéhitlirimizge rehmet ata qilishini tileymen, 2 ming 500 etrapida yaridar bar, yaridarlarghimu janabiy allahtin shipaliq tileymen. mubarek ramizan éyi munasiwiti bilen birlik we barawerlikimizning üzlüksiz dawamlishishigha, 24 – iyun saylamlirning hazirdin bashlapla dölitimiz hem eziz xelqimiz üchün xeyrlik bolushigha tilekdashmen.»

jumhur reis erdoghan bu uchurini ammiwi ortaqlishish tor béti  Instagram  we Facebook  sehipiliridimu hembehirleshti.


خەتكۈچ: tebrik , islam dunyasi , ramizan , erdoghan

مۇناسىۋەتلىك خەۋەرلەر