җумһур рәис әрдоған ислам дунйасиниң рамизан ейини тәбриклиди

җумһур рәис рәҗәп таййип әрдоған пүткүл ислам дунйасиниң мубарәк рамизан ейини тәбриклиди.

җумһур рәис әрдоған ислам дунйасиниң рамизан ейини тәбриклиди

түркийә авази радийоси хәвири: җумһур рәис әрдоған тунҗи соһурлуққа рәпиқиси әминә әрдоған билән бирликтә әнглийәдики зийарити һәм учришишлирини ахирлаштурғандин кейин түркийәгә қайтишида айропиланда турди һәмдә айропиланда елан қилған видеода, пүткүл ислам дунйасиниң рамизан ейини тәбрикләп мундақ деди: «әзиз хәлқимиз һәм пүткүл ислам дунйасиниң беши рәһмәт, оттуриси мәғпирәт вә ахири җәһәннәм азабидин халас тепиш болған мубарәк рамизан ейини қизғин тәбрикләймән. бирлик вә баравәрликниң символи болған, һәм соһур һәм иптарлардики мол бәрикәтлирини санап түгәткили болмайдиған мубарәк рамизан ейини қандақ шад – хурамлиқ ичидә күтүвалған болсақ, роза һейтниму шундақ шад – хурамлиқ ичидә күтүвелишимизға муйәссәр қилишини җанабий аллаһтин тиләймән. шуни алаһидә  тәкитләп өтимәнки, рамизан ейини исраилийәниң қуддуста йүргүзгән қәтлиамлири билән күтүвалдуқ, буниң үчүн көңлимиз интайин йерим, аллаһ тааладин барлиқ шеһитлиримизгә рәһмәт ата қилишини тиләймән, 2 миң 500 әтрапида йаридар бар, йаридарларғиму җанабий аллаһтин шипалиқ тиләймән. мубарәк рамизан ейи мунасивити билән бирлик вә баравәрликимизниң үзлүксиз давамлишишиға, 24 – ийун сайламлирниң һазирдин башлапла дөлитимиз һәм әзиз хәлқимиз үчүн хәйрлик болушиға тиләкдашмән.»

җумһур рәис әрдоған бу учурини аммиви ортақлишиш тор бети  Instagram  вә Facebook  сәһипилиридиму һәмбәһирләшти.



مۇناسىۋەتلىك خەۋەرلەر