erdoghan ilham eliyéwni resmiy murasim bilen qarshi aldi

türkiye awazi radiyosi xewiri: resmiy ziyaret üchün türkiyege kelgen ilham eliyéwni erdoghan jumhur reisilik sariyi kirish éghizida qarshi aldi.

ikki rehber murasim meydanida öz orunlirini alghandin kéyin 21 pay top oqi étildi we her ikki dölet marshliri chélindi.

murasimda, barabanchilar etriti tunji qétim «jan ezerbeyjan» naxshisini orunlidi. 

deslepte, ikki rehber ayrim söhbet ötküzdi. andin yuqiri sewiyelik hemkarliq komitéti yighini we kélishimlerni imzalash murasmidin kéyin erdoghan bilen eliyéw qoshma axbarat élish yighini chaqirdi.

jumhur reis erdoghan yighindin kéyin, ilham eliyéwning sheripige chüshlük ziyapet berdi.

ezerbeyjanda 11 – aprélda ötküzülgen saylamda qaytidin pirézidéntliqqa saylanghan ilham eliyéw tunji chet el ziyaritini türkiyedin bashlighan boldi.

bu qétimqi ziyaret dairisidiki uchrishishlarda, ezerbeyjan bilen özara munasiwetlerning téximu mustehkemlinishi üchün tashlashqa tégishlik qedemler muzakire qilinidu. rayon xaraktérlik we xelqaraliq weziyet üstide pikir almashturulidu.