аллаһ қуран арқилиқ разилиқини тилигәнләрни саламәтлик йоллириға йетәкләйду

аллаһ қуран арқилиқ разилиқини тилигәнләрни саламәтлик йоллири (аллаһниң шәриити вә униң әһкамлири) ға йетәкләйду, ирадиси бойичә уларни (куфри) қараңғулуқидин (иманниң) нуриға чиқириду.

аллаһ  қуран арқилиқ разилиқини тилигәнләрни саламәтлик йоллириға йетәкләйду

аллаһ қуран арқилиқ разилиқини тилигәнләрни саламәтлик йоллириға йетәкләйду

түркийә авази радийоси: маидә сүриси, 14 – 17 – айәтләр. биз насарамиз дегәнләрдинму (аллаһни бир дәп тонушқа вә муһәммәд әләйһиссаламға иман ейтишқа) мәһкәм әһдә алдуқ, улар (инҗилда) өзлиригә қилинған нәсиһәтниң бир қисмини унтуди, (буниң җазаси үчүн) уларниң арисиға қийамәткичә адавәт вә дүшмәнлик салдуқ, (шу чағда) аллаһ уларға қилмишлирини ейтип бериду (йәни улар өзлириниң қәбиһ әмәллириниң җазасини тартиду)[14]. и әһли китаб! (йәни йәһудийлар вә насаралар) силәргә силәр китабта (инҗилда вә тәвратта) йошурған нурғун нәрсиләрни байан қилип беридиған вә (йошурған нәрсиләрдин) нурғунини кәчүридиған (ашкарилап силәрни паш қилмайдиған) рәсулимиз кәлди, силәргә аллаһ тәрипидин нур (йәни муһәммәд әләйһиссалам) вә рошән китаб (йәни қуран) кәлди[15]. аллаһ шу китаб (йәни қуран) арқилиқ разилиқини тилигәнләрни саламәтлик йоллири (аллаһниң шәриити вә униң әһкамлири) ға йетәкләйду, ирадиси бойичә уларни (куфри) қараңғулуқидин (иманниң) нуриға чиқириду вә уларни тоғра йолға һидайәт қилиду[16]. мәрйәм оғли мәсиһ (йәни иса) аллаһтур дегән кишиләр (йәни насараларниң бир пирқиси) һәқиқәтән капир болди. (и муһәммәд!) ейтқинки, «әгәр аллаһ мәрйәм оғли мәсиһни, мәсиһниң анисини (йәни мәрйәмни) вә йәр йүзидики барлиқ кишиләрни һалак қилишни ирадә қилса, аллаһ (ниң ирадиси) дин бирәр нәрсини тосушқа ким қадир болалайду?» асманларниң вә земинниң вә уларниң арисидики нәрсиләрниң падишаһлиқи аллаһқа хастур, аллаһ халиғинини хәлқ етиду, аллаһ һәр нәрсигә қадирдур[17].



مۇناسىۋەتلىك خەۋەرلەر