hindistanda bir ayal barliq pul we altun buyumlirini kino cholpinigha miras qaldurdi

hindistanda yanwarda wapat bolghan bir ayalning banka hésabidiki pütün pul we altun buyumlirini özi choqunidighan kino cholpini sanjay dutqa miras qaldurghanliqi ashkarilandi.

hindistanda bir ayal barliq pul we altun buyumlirini kino cholpinigha miras qaldurdi

türkiye awazi radiyosi xewiri: bombay mirror gézitining xewer qilishiche, bombayda yashaydighan nishi harishjandira tripati isimliq ayal banka hésabidiki barliq pul we altun buyumlirini wapatidin qisqighine waqit ilgiri özi choqunidighan kino cholpini sanjay dutqa miras qaldurghan.

nishi harishjandira tripati tul ayal bolup, qurulush höddigerlik shirkiti bar idi. u 15yanwar küni rak késili sewebidin 62 yéshida jénidin ayrilghan idi. 

tripatining wapatidin kéyin u hésab achqan banka mesulliri ataqliq kino cholpini sanjay dutqa mektup yollap, choqunghuchisi we banka xéridari bolghan tripatining wapatidin qisghine mezgil ilgiri hésabidiki barliq pullarni uninggha qaldurup ketkenlikini bildürdi.

ataqliq kino cholpini sanjay dut natonush bir choqunghuchisining bu ishidin qattiq tesirlengenlikini, biraq bu pulni qobul qilalmaydighanliqini bildürdi.

sanjay dutning adwokatliri qaldurulghan mirasning tripatining ailisige tapshurup bérilishi üchün qanunluq resmiyetlerni bashilighanliqini élan qildi.

tripatining hésabida zadi qanchiliq pul barliqi heqqide melumat bérilmidi.

bolliwud kino situdiyosi merkizining aldinqi qatardiki cholpanliridin birsi hésablinidighan sanjay dut hazirgha qeder 100 din artuq filimda rol alghan idi.


خەتكۈچ: studiyo , kino cholpini , hindistan

مۇناسىۋەتلىك خەۋەرلەر