һиндистанда бир айал барлиқ пул вә алтун буйумлирини кино чолпиниға мирас қалдурди

һиндистанда йанварда вапат болған бир айалниң банка һесабидики пүтүн пул вә алтун буйумлирини өзи чоқунидиған кино чолпини санҗай дутқа мирас қалдурғанлиқи ашкариланди.

һиндистанда бир айал барлиқ пул вә алтун буйумлирини кино чолпиниға мирас қалдурди

түркийә авази радийоси хәвири: бомбай миррор гезитиниң хәвәр қилишичә, бомбайда йашайдиған ниши һаришҗандира трипати исимлиқ айал банка һесабидики барлиқ пул вә алтун буйумлирини вапатидин қисқиғинә вақит илгири өзи чоқунидиған кино чолпини санҗай дутқа мирас қалдурған.

ниши һаришҗандира трипати тул айал болуп, қурулуш һөддигәрлик ширкити бар иди. у 15йанвар күни рак кесили сәвәбидин 62 йешида җенидин айрилған иди. 

трипатиниң вапатидин кейин у һесаб ачқан банка мәсуллири атақлиқ кино чолпини санҗай дутқа мәктуп йоллап, чоқунғучиси вә банка херидари болған трипатиниң вапатидин қисғинә мәзгил илгири һесабидики барлиқ пулларни униңға қалдуруп кәткәнликини билдүрди.

атақлиқ кино чолпини санҗай дут натонуш бир чоқунғучисиниң бу ишидин қаттиқ тәсирләнгәнликини, бирақ бу пулни қобул қилалмайдиғанлиқини билдүрди.

санҗай дутниң адвокатлири қалдурулған мирасниң трипатиниң аилисигә тапшуруп берилиши үчүн қанунлуқ рәсмийәтләрни башилиғанлиқини елан қилди.

трипатиниң һесабида зади қанчилиқ пул барлиқи һәққидә мәлумат берилмиди.

болливуд кино ситудийоси мәркизиниң алдинқи қатардики чолпанлиридин бирси һесаблинидиған санҗай дут һазирға қәдәр 100 дин артуқ филимда рол алған иди.



مۇناسىۋەتلىك خەۋەرلەر