b d t: musulmanlar nishan qiliniwatqan zorawanliq weqeliridin qattiq endishe qiliwatimiz

birleshken döletler teshkilati sirilankida musulmanlar nishan qiliniwatqan zorawanliq weqeliridin qattiq endishe qiliwatqanliqini bildürdi.

b d t: musulmanlar nishan qiliniwatqan zorawanliq weqeliridin qattiq endishe qiliwatimiz

türkiye awazi radiyosi xewiri: birleshken döletler teshkilati bash katipining bayanatchisi stéphan dujarrich kündilik muxbirlarni xewerlendürüsh yighinida, sirilankida dawamlishiwatqan ammiwi zorawanliq weqelirining «tolimu endishilik ehwal» ikenlikini éytti.

sirilankida hökümetning sürkilishni azaytish we muressechilikni qolgha keltürüsh mesiliside körsitiwatqan tirishchanliqidin intayin xursen ikenliklirini eskertken dujarrich, sirilanka xelqini ixtilaplarni diyalog arqiliq hel qilishqa chaqirdi.

u yene, birleshken döletler teshkilati bash katipining siyasiy ishlargha mesul yardemchisi jéfréy féltmanning jüme küni sirilankida üch künlük ziyarette bolidighanliqini, bu ziyaretning dölette jiddiy halet élan qilinishtin ilgiri pilanlanghanliqinimu sözlirige ilawe qildi.

sirilankida musulmanlar nishan qiliniwatqan zorawanliq weqeliridin kéyin kandi rayonida jiddiy halet élan qilinghan idi.

jamaet xewpsizliki idarisi bayanatchisi ruwan gunasékara sinhalaliq bir er kishining bir guruppa musulman teripidin hujumgha uchrighandin kéyin doxturxanida ölüp ketkenliki toghruluq xewer tarqalghanliqini, shuning bilen, kabdi rayonida bezi zorawan guruppilarning musulmanlargha ait öyler we ish orunlirigha ot qoyup bergenlikini jakarlighan idi.

sirilanka pirézidénti matripala siriséna jiddiy halet élan qilinghan kandi rayonidiki weqelerning bashqa jaylargha yamrap kétishidin ensirep jiddiy halet élan qilish toghruluq qarar chiqarghan idi.

merkizi sirilankidiki kishilik hoquq we tetqiqat merkizining mesuli kéétri ténnakonmu zorawanliq weqeliride musulmanlargha ait 11 dukan we öyge ot qoyup bérilgenlikini uqturghan idi.

igilinishiche, sirilanka nopusining texminen % 75 tini buddist sinhalalar, % 9 tini bolsa musulmanlar teshkil qilidiken.

türkiyemu sirilankida hökümetning dölettiki tili we dini jehettin bir - birige oxshimaydighan étnik guruppilarning dawamliq tinch hem inaq yashishi üchün muhim tedbirlerni alidighanliqigha ishinidighanliqini bildürgen idi.



مۇناسىۋەتلىك خەۋەرلەر