sirilankida musulmanlar hujumgha uchridi

sirilankining kandi rayonida musulmanlar nishan qilinghan zorawanliq weqeliridin kéyin kochigha chiqish cheklimisi élan qilindi.

sirilankida musulmanlar hujumgha uchridi

türkiye awazi radiyosi xewiri: jamaet xewpsizliki idarisi bayanatchisi ruwan gunasékara sinhalaliq bir er kishining bir guruppa musulman teripidin hujumgha uchrighandin kéyin doxturxanida ölüp ketkenliki toghruluq xewer tarqalghanliqini, shuning bilen, kabdi rayonida bezi zorawan guruppilarning musulmanlargha ait öyler we ish orunlirigha ot qoyup bergenlikini éytti.

u yene, düshenbe küni yüz bergen zorawanliq weqeliridin kéyin rayonda kochigha chiqish cheklimisi élan qilinghanliqinimu sözlirige ilawe qildi.

merkizi sirilankidiki kishilik hoquq we tetqiqat merkizining mesuli kéétri ténnakonmu zorawanliq weqeliride musulmanlargha ait 11 dukan we öyge ot qoyup bérilgenlikini uqturdi.

hökümet bolsa saqchilarning weqelerning téximu yamrap kétishining aldini élish üchün bixeterlik tedbirlirini kücheytkenlikini bildürdi hemde keng xelq ammisidin soghuqqan bolushi hem mesuliyetchanliq bilen heriket qilishini telep qildi.

igilinishiche, sirilanka nopusining texminen % 75 tini buddist sinhalalar, % 9 tini bolsa musulmanlar teshkil qilidiken.



مۇناسىۋەتلىك خەۋەرلەر