сириланкида мусулманлар һуҗумға учриди

сириланкиниң канди районида мусулманлар нишан қилинған зораванлиқ вәқәлиридин кейин кочиға чиқиш чәклимиси елан қилинди.

сириланкида мусулманлар һуҗумға учриди

түркийә авази радийоси хәвири: җамаәт хәвпсизлики идариси байанатчиси руван гунасекара синһалалиқ бир әр кишиниң бир гуруппа мусулман тәрипидин һуҗумға учриғандин кейин дохтурханида өлүп кәткәнлики тоғрулуқ хәвәр тарқалғанлиқини, шуниң билән, кабди районида бәзи зораван гуруппиларниң мусулманларға аит өйләр вә иш орунлириға от қойуп бәргәнликини ейтти.

у йәнә, дүшәнбә күни йүз бәргән зораванлиқ вәқәлиридин кейин районда кочиға чиқиш чәклимиси елан қилинғанлиқиниму сөзлиригә илавә қилди.

мәркизи сириланкидики кишилик һоқуқ вә тәтқиқат мәркизиниң мәсули кеетри теннаконму зораванлиқ вәқәлиридә мусулманларға аит 11 дукан вә өйгә от қойуп берилгәнликини уқтурди.

һөкүмәт болса сақчиларниң вәқәләрниң техиму йамрап кетишиниң алдини елиш үчүн бихәтәрлик тәдбирлирини күчәйткәнликини билдүрди һәмдә кәң хәлқ аммисидин соғуққан болуши һәм мәсулийәтчанлиқ билән һәрикәт қилишини тәләп қилди.

игилинишичә, сириланка нопусиниң тәхминән % 75 тини буддист синһалалар, % 9 тини болса мусулманлар тәшкил қилидикән.



مۇناسىۋەتلىك خەۋەرلەر