и мөминләр! аллаһниң (һәқлирини) ада қилишқа тиришиңлар

и мөминләр! адиллиқ билән гуваһлиқ бериңлар, аллаһтин қорқуңлар, аллаһ һәқиқәтән қилмишиңлардин хәвәрдардур.

и мөминләр! аллаһниң (һәқлирини) ада қилишқа тиришиңлар

и мөминләр! аллаһниң (һәқлирини) ада қилишқа тиришиңлар

түркийә авази радийоси: маидә сүриси, 6 – 9 – айәтләр. и мөминләр! (силәр таһарәтсиз болуп) намаз (оқумақчи болуп) турғиниңларда, йүзүңларни йуйуңлар, қолуңларни җәйникиңлар билән қошуп йуйуңлар, бешиңларға мәсһи қилиңлар, путуңларни ошуқуңлар билән қошуп йуйуңлар, әгәр җунуп болсаңлар паклиниңлар (йәни ғусли қилиңлар), әгәр кесәл болсаңлар (су зийан қилидиған болса), йаки сәпәр үстидә болуп (су тапалмисаңлар), йаки силәрниң бирсиңлар һаҗәтханидин кәлгән (йәни таһарәт сундурған) болсаңлар, йаки айаллириңлар билән йеқинчилиқ қилғандин кейин (ғусли таһарәт үчүн) су тапалмисаңлар, пак тупрақта тәйәммум қилиңлар, униң билән йүзүңларға, қолуңларға мәсһи қилиңлар, аллаһ силәргә мушәққәтни халимайду, лекин аллаһ шүкүр қилишиңлар үчүн силәрни пак қилишни, (ислам шәриитини байан қилиш билән) немитини силәргә тамамлашни халайду[6]. (и мөминләр!) аллаһниң силәргә бәргән (улуғ) немитини вә силәр билән қилған муаһидисини әсләңлар, әйни заманда силәр: «аңлидуқ вә итаәт қилдуқ» дегән идиңлар, аллаһтин қорқуңлар (йәни аллаһқа бәргән әһдини бузуштин сақлиниңлар). аллаһ һәқиқәтән (бәндилириниң) диллиридики сирлирини билгүчидур[7]. и мөминләр! аллаһниң (һәқлирини) ада қилишқа тиришиңлар, адиллиқ билән гуваһлиқ бериңлар, бирәр қәвмгә болған өчмәнликиңлар (уларға) адил болмаслиқиңларға сәвәб болмисун, (дүшминиңларға) адил болуңлар, бу (йәни уларға өчмән туруп адил болушуңлар) тәқвадарлиққа әң йеқиндур, аллаһтин қорқуңлар, аллаһ һәқиқәтән қилмишиңлардин хәвәрдардур[8]. аллаһ иман ейтқан вә йахши әмәлләрни қилғанларға мәғпирәт вә катта саваб вәдә қилди[9].



مۇناسىۋەتلىك خەۋەرلەر