türkiyening eng chong yépiq tenterbiye merkizi bursada qed kötürmekte

bu qurulushning omumiy kölimi 34 ming kwadirat métir kélidu.

türkiyening eng chong yépiq tenterbiye merkizi bursada qed kötürmekte

türkiye awazi radiyosi xewiri: türkiyening eng chong yépiq tenterbiye merkizi bursaning yildirim nahiyeside bina qilinmaqta. 

yashlar we tenterbiye ishliri ministirliqining qollap quwetlishi we bursa waliy mehkimisining bashchiliqida téz sürette yasiliwatqan «yildirim yashlar we tenterbiye merkizi» xelqaraliq musabiqe zalliri we bashqa bir qanchilighan zaldin terkip tapidu.

yasidighan binaning kölimi 7999 kwadirat métir bolup,  bina salidighan meydanning omumiy kölimi 22 ming 5125 kwadirat métir we omumiy qurulush kölimi 34 ming kwadirat métir kélidu. bu qurulush pütkende türkiyening eng chong tenterbiye merkizige aylinidu.

memliket boyiche tenterbiyening asasliq merkizige aylinish aldida turghan bu katta merkezde, 2500 tamashibin sighidighan we köp xil meqsetke ishletkili bolidighan tenterbiye zali, yérim olimpik su uzush musabiqisi zali, yashlar merkizi, xusuiy meshiq zalliri, olimpik ölchemlirige ige gimanastéka zalliri, saghlam turmush we bashqurush merkekliri, yürüsh yolliri we köngül échish saheliri, eqil oyunliri merkizi, kompiyotér, muzika, pilastik senetler, folkilor, resim we foto süret merkezlirimu orun alidu.  

bu chong qurulushning %70 ni mushu yil pütküzüp, yene mushu yil ichide xizmetke échish pilanlanmaqta. 


خەتكۈچ: türkiye , bursa , tenterbiye

مۇناسىۋەتلىك خەۋەرلەر