пирәвнни өлтүргән шаһзадиниң кимлики ениқланди

мисирда нил дәрйасиниң ғәрбидә 1886 – йили байқалған вә көринишигә қарап, «җар селиватқан момйа» дәп исим қойулған момйаниң кимлики ениқланди.

пирәвнни өлтүргән шаһзадиниң кимлики ениқланди

 

түркийә авази радийоси хәвири: ген тәкшүрүшлири нәтиҗисидә момйаниң мисир пирәвни 3 – рамсесниң оғли икәнлики оттуриға чиқти. 

тәтқиқатчилар момйаниң 3 – рамсесниң оғли икәнликини бойлиған һалда, шаһзадә пентавәрә икәнликини илгири сүрмәктә.

буниңдин 3 миң йил илгири шаһзадә пентавәрә аниси нийә билән бирликтә дадиси 3 – рамсесқа суйиқәст қилған иди.

рамсесниң 2 - айали болған нийә тәхткә 3 – рамсесниң йәнә бир айалидин болған оғли амун һер хелепешефни әмәс, өз оғли пентавәрәни чиқиришини халайтти. 

башқа ханиданлиқ әзалириниң момйалири ақ рәхткә оралған болуп, әмма «җар селиватқан момйа»ниңла қой терисигә оралған болушини мутәхәсисләр пак әмәсликниң ашарити дәп изаһлиған иди. униң үстигә «җар селиватқан момйа» башқа ханиданлиқ әзалириға селиштурғанда тәртипсиз бир шәкилдә момйаланған иди. 

«җар селиватқан момйа» илгири зәһәрләп өлтүрүлгән дәп қаралған болуп, әмдиликтә бойнидики излар униң дарға силғанлиқини күчләндүрүп бәрмәктә.

3 – рамсесни сүйиқәт билән өлтүргән ханиш нийә оғли пентапәрә вә суйиқәсткә қатнашқан башқа кишиләрниң һәммиси дарға есип өлтүрүлгән иди. 

йуқири бу пакитларниң һәммиси «җар селиватқан момйа»ниң шаһзадә пентавәрә икәнликигә болған қарашни күчәйтип бәрди.

3 – рамсес мисирға миладидин илгири 1186 – йилидин 1155 билғичә һөкүмранлиқ иди.

3 – рамсесниң момйаси үстидә елип берилған тәкшүрүшләрдә пирәвн 3 – рамсесниң боғузлап өлтүрүлгәнлики байқалған иди.

пирәвн 3 – расмсесқа бирла чағда бир қанчилиға киши пичақ билән һуҗум қилған иди.  



مۇناسىۋەتلىك خەۋەرلەر