allahqa we uning peyghemberlirige iman éytinglar

iman éytqan we yaxshi emellerni qilghanlargha kelsek, allah ularning (emellirining) ejrini toluq béridu.

allahqa we uning peyghemberlirige iman éytinglar

allahqa we uning peyghemberlirige iman éytinglar

türkiye awazi radiyosi: nisa sürisi, 171 – 173 – ayetler. i ehli kitab! (yeni nasaralar jamaesi) dininglarda heddidin ashmanglar, allahning shenige heq (söz) din bashqini éytmanglar (yeni allahqa shériki we balisi bolushtin pak dep étiqad qilinglar). mesih isa ـ meryemning oghli, peqet allahning resulidur (siler guman qilghandek allahning oghli emestur), meryemge allahning ilqa qilghan kelimisidur (yeni atining wasitisiz, allahning «wujudqa kel» dégen sözidin yaritilghandur), allah teripidin kelgen bir rohtur, allahqa we uning peyghemberlirige iman éytinglar, (allah , isa, meryemdin ibaret) üchtur démenglar, (xuda üch deydighan étiqadtin) qaytinglar, (bu) silerge paydiliqtur, allah peqet bir ilahtur, balisi bolushtin allah paktur, asmanlardiki we zémindiki sheyilerning hemmisi allahningdur (yeni allahning mülkidur, mexluqatidur), allah yéterlik hamiydur[171]. mesihmu, (allahqa) yéqin perishtilermu allahqa bende bolushtin hergiz bash tartmaydu, kimlerki allahqa bendichilik qilishtin bash tartidiken we körenglep kétidiken, (bilsunki) allah ularning hemmisini (qiyamet küni hésab élish we jazalash üchün) öz dergahigha toplaydu[172]. iman éytqan we yaxshi emellerni qilghanlargha kelsek, allah ularning (emellirining) ejrini toluq béridu, némitini ulargha ashurup  béridu, (allahqa qulchiliq qilishtin) bash tartqan we körenglep ketkenlerge kelsek, allah ulargha qattiq azab qilidu. ular özliri üchün allahtin bashqa (allahning azabidin qutulduridighan) héchqandaq dost we héchqandaq medetkar tapalmaydu[173].

 


خەتكۈچ: isa , asmanlar , iman , peyghember , allah

مۇناسىۋەتلىك خەۋەرلەر