икки корейә тәнтәрбийәчилири бирла байрақ астида параттин өтидиған болди

параттин өтүш паалийитидә икки корейә тәннтәрбийәчилириниң «бирләшмә корейә» байриқи астида меңиши һәққидә рәсмий қарар мақулланди.

икки корейә тәнтәрбийәчилири бирла байрақ астида параттин өтидиған болди

түркийә авази радийоси хәвири: җәнубий вә шималий корейә тәнтәрбийәчилири пийоң чаңда өткүзүлидиған 2018 – йиллиқ қишлиқ олимпик мусабиқилириниң ечилишида бирла байрақ астида параттин өтиду.

йонһап агентлиқиниң хәвиридә, икки дөләт оттурисидики чеграға җайлашқан панҗуман йезисида алақидар мәсулларниң учришиш елип барғанлиқи вә ечилишта өткүзүлидиған параттин өтүш паалийитидә тәннтәрбийәчиләрниң «бирләшмә корейә» байриқи астида меңиши һәққидә рәсмий қарар мақулланғанлиқи билдүрүлди.

икки дөләт оттурисида бирләшмә музтоп командиси қоридиғанлиқиниму билдүргән мәсуллар йәнә, шималий корейәниң пийуң чаңда 230 кишилик параттин өтүш гурупписи билән 30 кишилик теквандо нумур көрситиш әтрити әвәтиғанлиқиниму билдүрди. 

икки корейә йәнә 9 – февралдин 25 – февралғичә өткүзүлидиған олимпик мусабиқилиридин илгири шималий корейәниң шәрқидики кумгаң теғида ортақ күлтүр паалийити шундақла масикрийоң қар тейилиш мәркизидә  ортақ синақ мәшиқиму өткүзидиған болди.

җәнубий корейә билән шималий корейә аридин икки йил өткәндин кейин, қишлиқ олимпик мусабиқиси вәсилиси билән қайтидин йуқири дәриҗилик учриишларни башлиди.


 



مۇناسىۋەتلىك خەۋەرلەر