türkiye metbuatlirida bügün 06.10.2017

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 06.10.2017

türkiye awazi radiyosi: sabah géziti, «bu hewestin waz kéchidu» serlewhilik xewiride munularni yazdi:

jumhur reis rejep tayyip erdoghan irandin qaytish esnasida, iraq kord rayonluq hökümitining 25 – séntebirde élip barghan qanunsiz musteqilliq saylimi üstide toxtilip, «u qanunsiz saylamgha ishik achqanlar, uning aqiwétining bedilinimu choqum öteshke mejbur bolidu. ular néme ish qilghanliqini yaxshi bilmeydu. barzani bu hewestin waz kéchidu» dédi.

weten géziti, «yéngi taktéka» serlewhilik xewiride munularni oqurmenlerning diqqitige sundi:

mughlada bu qétim térrorluq teshkilati p k k ning 5 ezasi öltürülüp, 7 ezasi térik qolgha chüshürüldi. ichki ishlar ministirliqi bu heqte élan qilghan bayanatida, térrorluq teshkilati p k k ning laziqiye shehiri arqiliq ege déngizigha we aq déngizgha soqunup kirishke tirishqanliqi bildürüldi. ichki islar ministiri sulayman söylu térrorluq teshkilatining axiriqi chare süpitide iraqning shimalidin, irandin we afrindin soqunup kirishke tiriship baqqandin kéyin, emdilikte bashqa yol izdewatqanliqini éytti.

sitar géziti, «arakan ölmekte, dunya jamaetchiliki qeyerde?»serlewhilik xewiride munularni qeyt qildi:

aile we ijtimaiy siyaset ishliri ministiri fatime betül sayan kaya, arakanliqlargha yardem qilish üchün ayallar ammiwiy teshkilatlirining wekilliri bilen körüshti. fatime betül sayan kaya pütün dunyagha chaqiriq élan qilip, zulum we bésimlarni, gunahsiz ayallarning we kichik balilarning chékiwatqan azab – oqubetlirini tamashsha qilip turup héch kishi medeniyetni dawa qilmisun. dunya jamaetchiliki zulumgha kör, gas, gacha boluwalsimu türkiye u yerdiki mezlumlargha yardem qolini sozüshni dawamlashturiwiridu» dédi.

hörriyet géziti, «garmun uning turmushini özgertti» serlewhilik xewiride munu uchurlargha orun ajratti:

balilarni asrash merkizide chong bolghan merwe bashoghlu oqutquchisining yénidiki garmunni körgende gamunni intayin yaqtuup qaldi we chélishni öginishke bashlidi. shuning bilen uning turmushida chong özgirish peyda boldi. bilkent uniwérsitéti ney – garmun fakultétutida oqushqa bashlidi. emdilikte bolsa, dunya boyiche eng yaxshi mekteplerdin birsi hsablinidighan firansiye nays senet mektipige qobul qilindi. merwening mektep chiqimliri üchün emine erdoghan bilen aile we ijtimaiy siyaset ishliri ministiri fatime betül sayan kaya heriketke ötti.

xeber türk géziti, «birdin bir yol ghalibiyet» serlewhilik xewiride munularni hembehirleshti:

döletlik a milliy komandimiz «birdin bir yol ghalibiyet» shuari bilen 2018 – yilli rusiyede irlandiye komandisi bilen riqabetke chüshidu. musabiqigha polsha putbol fédératsiyesidin siziymon markinak répirlik qilidu.



مۇناسىۋەتلىك خەۋەرلەر