түркийә мәтбуатлирида бүгүн 06.10.2017

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

түркийә мәтбуатлирида бүгүн 06.10.2017

түркийә авази радийоси: сабаһ гезити, «бу һәвәстин ваз кечиду» сәрләвһилик хәвиридә мунуларни йазди:

җумһур рәис рәҗәп таййип әрдоған ирандин қайтиш әснасида, ирақ корд районлуқ һөкүмитиниң 25 – сентәбирдә елип барған қанунсиз мустәқиллиқ сайлими үстидә тохтилип, «у қанунсиз сайламға ишик ачқанлар, униң ақиветиниң бәдилиниму чоқум өтәшкә мәҗбур болиду. улар немә иш қилғанлиқини йахши билмәйду. барзани бу һәвәстин ваз кечиду» деди.

вәтән гезити, «йеңи тактека» сәрләвһилик хәвиридә мунуларни оқурмәнләрниң диққитигә сунди:

муғлада бу қетим террорлуқ тәшкилати п к к ниң 5 әзаси өлтүрүлүп, 7 әзаси терик қолға чүшүрүлди. ички ишлар министирлиқи бу һәқтә елан қилған байанатида, террорлуқ тәшкилати п к к ниң лазиқийә шәһири арқилиқ әгә деңизиға вә ақ деңизға соқунуп киришкә тиришқанлиқи билдүрүлди. ички ислар министири сулайман сөйлу террорлуқ тәшкилатиниң ахириқи чарә сүпитидә ирақниң шималидин, ирандин вә африндин соқунуп киришкә тиришип баққандин кейин, әмдиликтә башқа йол издәватқанлиқини ейтти.

ситар гезити, «аракан өлмәктә, дунйа җамаәтчилики қәйәрдә?»сәрләвһилик хәвиридә мунуларни қәйт қилди:

аилә вә иҗтимаий сийасәт ишлири министири фатимә бәтүл сайан кайа, араканлиқларға йардәм қилиш үчүн айаллар аммивий тәшкилатлириниң вәкиллири билән көрүшти. фатимә бәтүл сайан кайа пүтүн дунйаға чақириқ елан қилип, зулум вә бесимларни, гунаһсиз айалларниң вә кичик балиларниң чекиватқан азаб – оқубәтлирини тамашша қилип туруп һеч киши мәдәнийәтни дава қилмисун. дунйа җамаәтчилики зулумға көр, гас, гача болувалсиму түркийә у йәрдики мәзлумларға йардәм қолини созүшни давамлаштуривириду» деди.

һөррийәт гезити, «гармун униң турмушини өзгәртти» сәрләвһилик хәвиридә муну учурларға орун аҗратти:

балиларни асраш мәркизидә чоң болған мәрвә башоғлу оқутқучисиниң йенидики гармунни көргәндә гамунни интайин йақтууп қалди вә челишни өгинишкә башлиди. шуниң билән униң турмушида чоң өзгириш пәйда болди. билкәнт университети нәй – гармун факултетутида оқушқа башлиди. әмдиликтә болса, дунйа бойичә әң йахши мәктәпләрдин бирси һсаблинидиған фирансийә найс сәнәт мәктипигә қобул қилинди. мәрвәниң мәктәп чиқимлири үчүн әминә әрдоған билән аилә вә иҗтимаий сийасәт ишлири министири фатимә бәтүл сайан кайа һәрикәткә өтти.

хәбәр түрк гезити, «бирдин бир йол ғалибийәт» сәрләвһилик хәвиридә мунуларни һәмбәһирләшти:

дөләтлик а миллий командимиз «бирдин бир йол ғалибийәт» шуари билән 2018 – йилли русийәдә ирландийә командиси билән риқабәткә чүшиду. мусабиқиға полша путбол федератсийәсидин сизиймон маркинак репирлик қилиду.



مۇناسىۋەتلىك خەۋەرلەر