Bollywood ning dangliq artisi türkiyede

Bollywood ning dangliq artisi amir xan türk kino cholpanliri bilen uchrishidu.

Bollywood ning dangliq artisi türkiyede

türkiye awazi radiyosi xewiri: Bollywood ning dunyagha dangliq artisi, rézhissor we filim ishligüchi amir xan medeniyet we sayahet ishliri ministirliqining teklipige binaen istanbulgha keldi.

amir xan bu heqte élan qilghan bayanatida, özining uzun yillardin buyan bu güzel döletke kélish arzusining barliqii tekitlep mundaq dédi: «axirida arzu – armanimgha yettim, hemme teripi güzellik bilen tolup tashqan türkiyege kelgenlikim üchün özümni tolimu bextlik hés qilimen.»

özige köngül bölgenliki üchün türkiye xelqige köptin köp rehmet éytqan amir xan, türk kino cholpanliri bilenmu uchrishishni xalaydighanliqini, 20 – öktebir küni türkiye we hindistanda birla waqitta tamashibinlar bilen yüz körüshidighan « Secret Superstar» namliq filimini tonushturush meqsitide türkiye ziyarette boluwatqanliqini eskertish bilen bir waqitta, türkiye xelqining kinolargha bolghan köz – qarashlirini bilishni xalaydighanliqini qeyt qildi.

u yene, istanbulgha türkiye hawa yolliri shirkitining ayropilani arqiliq kelgenlikini, shirketning seper jeryanidiki mulazimitidin intayin xursen ikenlikini eskertish bilen bir waqitta, shirketning yoluchilarni ela süpetlik kütüsh mulazimitini pexirlengen halda maxtidi.



مۇناسىۋەتلىك خەۋەرلەر