Bollywood ниң даңлиқ артиси түркийәдә

Bollywood ниң даңлиқ артиси амир хан түрк кино чолпанлири билән учришиду.

Bollywood ниң даңлиқ артиси түркийәдә

түркийә авази радийоси хәвири: Bollywood ниң дунйаға даңлиқ артиси, режиссор вә филим ишлигүчи амир хан мәдәнийәт вә сайаһәт ишлири министирлиқиниң тәклипигә бинаән истанбулға кәлди.

амир хан бу һәқтә елан қилған байанатида, өзиниң узун йиллардин буйан бу гүзәл дөләткә келиш арзусиниң барлиқии тәкитләп мундақ деди: «ахирида арзу – арманимға йәттим, һәммә тәрипи гүзәллик билән толуп ташқан түркийәгә кәлгәнликим үчүн өзүмни толиму бәхтлик һес қилимән.»

өзигә көңүл бөлгәнлики үчүн түркийә хәлқигә көптин көп рәһмәт ейтқан амир хан, түрк кино чолпанлири биләнму учришишни халайдиғанлиқини, 20 – өктәбир күни түркийә вә һиндистанда бирла вақитта тамашибинлар билән йүз көрүшидиған « Secret Superstar» намлиқ филимини тонуштуруш мәқситидә түркийә зийарәттә болуватқанлиқини әскәртиш билән бир вақитта, түркийә хәлқиниң киноларға болған көз – қарашлирини билишни халайдиғанлиқини қәйт қилди.

у йәнә, истанбулға түркийә һава йоллири ширкитиниң айропилани арқилиқ кәлгәнликини, ширкәтниң сәпәр җәрйанидики мулазимитидин интайин хурсән икәнликини әскәртиш билән бир вақитта, ширкәтниң йолучиларни әла сүпәтлик күтүш мулазимитини пәхирләнгән һалда махтиди.



مۇناسىۋەتلىك خەۋەرلەر